APA KWIKALA Twapaapaata mulelangulukilako abanenu. Muleibukisha ukuti abo mufwile fye ukusungila ifipuna, bantu mwendele nabo mu motoka, nelyo abo mwikala nabo ing’anda imo, nangu abo musambilila nabo Baibolo. Twapaapaata mwilabika ifipe pa fipuna ifyo mushileikalapo.

BAKAPYUNGA Umulimo uo bakapyunga bapeelwa wa kumwafwilisha. Mukwai mulebomfwila nga bamulanga ukwa kwimika imyotoka, ukwa kwingilila no kufumina, no kumweba pa fya kusungila bambi ifipuna na pa fintu fimbi.

FIRST AID Iyi dipartimenti yabelako ukundapa abaicena nangu abalwalila pa kulongana pene.

IFYALUBA NO KWA KUFISANGA Mulingile ukutwala fyonse ifyo mwatoola ku Dipartimenti ya Fileluba. Nga namulufya icintu, kabiyeni kuli iyi dipartimenti, no kuyamona nga e ko cili. Abana abaluba ukuli abafyashi babo balingile ukubatwala kuli iyi dipartimenti. Lelo iyi dipartimenti te ya kusungilako abana. Twapaapaata mulebika amano ku bana benu no kulaba nabo lyonse.

IMISANGULO Pa kuti ukulongana kutwafwe ukupalama kuli Yehova na pa kuti tulongane bwino, indalama ishingi shilabomfiwa ku kuteyanya apa kulonganina, ifisoselo, ifya kubomfya pa kutamba amavidio na fimbi ififwaikwa. Imisangulo yenu iya kuitemenwa ilabomfiwa kuli ifi ififwaikwa no kwafwilisha umulimo wa mwi sonde lyonse. Pa kuti cimwangukile ukusangwilako, utubokoshi twa misangulo utwalembwapo bwino natubikwa mu cifulo ca kulonganinapo conse. Na kabili, kuti mwasangwilako ukubomfya Intaneti nga mwaya pa donate.pr2711.com. Tulatasha nga nshi pa misangulo yonse, kabili Ibumba Litungulula lilemutasha pa fyo musangwilako ku kwafwilisha umulimo wa Bufumu.

ULUBATISHO Abalebatishiwa bakabasungila ifipuna ku ntanshi mupepi ne cisebele, kano fye nga nabapekanya kumbi ukwa kwikala. Pa bushiku bwalenga shibili ulucelo, bonse abalebatishiwa balingile ukwikala pali ifi fipuna kabili bafwile ukwisa ne taulo e lyo ne fya kufwala ifya mucinshi mu kubatishiwa.

UMULIMO WA KUITEMENWA Nga mulefwaya ukubombako umulimo pa kulongana, mukwai kuti mwaya kuli iyi dipartimenti pa kuti bamweba uko mwingafwilisha.