Proveb 9:1-18
9 Trufala waestok i bildim haos blong hem finis,Hem i katem gud ol seven bigfala pos blong hem finis.
2 Hem i mekemrere finis mit blong hem,*Mo hem i miksim waen blong hem finis,Mo i putumgud tebol blong hem finis.
3 Hem i sanemaot ol gel blong wok blong hem,Blong oli go long ol hae ples long taon, oli singaot se:+
4 “Man we i no gat ekspiriens, i gud hem i kam long ples ya.”Woman ya i talem long man we i no gat gudfala tingting* se:
5 “Yu kam, yu kakae bred blong miMo yu joen wetem mi blong dring waen we mi miksim finis.
6 Yu yu no gat ekspiriens, be yu mas lego* blong yu stap laef.+
Yu wokbaot i go fored folem rod blong save.”+
7 Man we i traem stretem wan flas man, bambae hem i sem nomo,+Mo man we i tok strong long man nogud, bambae i kasem trabol nomo.
8 Yu no mas tok strong long man we i flas, sipos no, bambae hem i agensem yu.+
Yu mas tok strong long man we i waes, mo hem bambae i lavem yu.+
9 Yu serem save wetem man we i waes, nao bambae hem i kam waes moa.+
Yu tijim wan stret man, nao bambae hem i lanem plante moa samting.
10 Fasin blong fraet* long Jehova hem i stat blong waes,+Mo ol save long saed blong Man Ya We i Tabu We i Tabu,+ i mekem man i kasemsave samting.
11 From mi, ol dei blong yu bambae oli kam plante,+Mo bambae mi ademap ol yia long laef blong yu.
12 Sipos yu kam waes, waes ya bambae i givhan long yu bakegen,Be sipos yu wan man blong flas, yu wan nomo bambae yu kakae frut blong hem.
13 Wan woman we i stupid, hem i bigmaot oltaem.+
Hem i stronghed mo i no save wan samting nating.
14 Hem i stap sidaon long fored blong haos blong hem,Long wan jea we i stap long ol hae ples long taon,+
15 I stap singaotem ol man we oli stap pas long rod,Hemia olgeta we oli stap wokbaot stret nomo folem rod blong olgeta, i se:
16 “Man we i no gat ekspiriens, i gud hem i kam long ples ya.”Woman ya i talem long olgeta we oli no gat gudfala tingting* se:+
17 “Wota we man i stilim i swit,Mo kakae we man i haed nomo i kakae, hem i gud tumas.”+
18 Be hem i no save se ol man we oli ded finis we oli no moa save mekem wan samting, oli stap long ples ya,Hem i no save se ol gest blong hem, oli stap dip insaed long Gref.*+
Ol futnot
^ PT: “Woman ya i kilim finis animol ya we i blong kilim.”
^ PT: “hat blong hem i wantem wan samting.”
^ NT: “Yu mas lego ol man we oli no gat ekspiriens.”
^ NT: “tinghevi.”
^ PT: “hat blong hem i wantem wan samting.”
