Ol Sam 86:1-17
Wan prea blong Deved.
86 O Jehova, yu pusum sora blong yu i kam,* mo yu ansa long mi,From mi safa mo mi pua.+
2 Yu lukaot gud long laef* blong mi, from mi holemstrong oltaem.+
Yu sevem man blong wok blong yu we i stap trastem yu,From yu yu God blong mi.+
3 O Jehova, yu kaen long mi,+From long fuldei mi stap singaot i kam long yu.+
4 Yu mekem man* blong wok blong yu i glad,From mi mi lukluk i kam long yu nomo,* Jehova.
5 From yu, O Jehova, yu yu gud+ mo yu rere blong fogif.+
Yu lavem tumas olgeta we oli stap singaot i kam long yu.+
6 O Jehova, yu lesin long prea blong mi,Mo yu lesin gud taem mi stap askem strong blong yu halpem mi.+
7 Long dei we mi harem nogud, mi singaot long yu,+From yu bambae yu ansa long mi.+
8 O Jehova, i no gat wan long ol god ya i olsem yu,+I no gat wan long ol wok ya i olsem blong yu.+
9 O Jehova, olgeta nesen we yu mekemBambae oli kam mo bodaon long fes blong yu,+Mo bambae oli givim glori long nem blong yu.+
10 From yu hae olgeta mo yu mekem ol gudfala samting,+Yu yu God, yes yu nomo.+
11 O Jehova, yu tijim mi long rod blong yu,+Bambae mi wokbaot folem trutok blong yu.+
Yu mekem hat blong mi i kam wan nomo* blong mi fraet* long nem blong yu.+
12 O Jehova God blong mi, mi mi presem yu long fulhat blong mi,+Mo bambae mi leftemap nem blong yu olwe,
13 From fasin blong yu blong lavem mi oltaem, i bigwan tumas,Mo yu bin sevem laef* blong mi long Gref* we i dip olgeta.+
14 O God, ol man we oli stap mekem samting we oli no gat raet blong mekem, oli girap agensem mi,+Wan grup blong ol man we oli raf olgeta, oli wantem tekemaot laef* blong mi,Mo oli no tingbaot yu nating.*+
15 Be yu O Jehova, yu yu wan God we i gat sore mo i kaen,*Yu no save kros kwik mo fasin blong yu blong lavem man oltaem i bigwan tumas, mo yu holem promes blong yu oltaem.*+
16 Yu lukluk i kam long mi mo yu kaen long mi.+
Yu givim paoa blong yu long man blong wok blong yu,+Mo yu sevem boe blong slef gel blong yu.
17 Yu soemaot long mi, wan saen* blong gudfala fasin blong yu,Blong olgeta we oli no laekem mi oli save luk, nao oli sem,From yu Jehova, yu helpa blong mi mo yu stap mekem mi mi harem gud.
Ol futnot
^ NT: “yu bendaon, yu lesin.”
^ NT: “sol.”
^ NT: “sol blong man.”
^ NT: “mi mi leftemap sol blong mi i kam long yu.”
^ NT: “Yu givim wan hat long mi we i no seraot.”
^ NT: “tinghevi.”
^ NT: “sol.”
^ NT: “no putum yu long fored blong olgeta.”
^ NT: “sol.”
^ NT: “gat gudfala fasin.”
^ NT: “mo yu tok tru oltaem.”
^ NT: “pruf.”
