!LUKAOT GUD OLTAEM!

6 Milian Man Oli Ded From COVID ?Baebol i Talem Wanem?

PLEI

Wol Helt Oganaesesen (WHO) i talem se, kam kasem 23 Mei 2022, 6.27 milian man oli ded from COVID-19. Be nius we i kamaot long WHO long 5 Mei 2022, i talem wan namba we i hae moa. Oli talem se long 2020 mo 2021, “fulnamba blong ol man we oli ded from COVID o from wan sik we i joen wetem COVID, . . . i samwe long 14.9 milian.” ?Olsem wanem? ?Baebol i talem wan samting long saed blong ol trabol ya we oli mekem yumi harem nogud tumas?

Baebol i talemaot ol pandemik

Jisas i talem se long “ol las dei,” bambae i gat ol strong sik, o ol pandemik blong “ol rabis sik.”—2 Timoti 3:1; Luk 21:11, Contemporary English Version.

Profet tok ya blong Jisas i stap kamtru tede. Blong save moa, ridim atikol ya “?Wanem Saen Blong ‘Ol Las Dei,’ o ‘En Blong Wol’?”

Baebol i kamfotem yumi

“God ya we i mekem olgeta samting blong leftemap tingting blong man . . . i stap givhan long yumi long olgeta trabol blong yumi, blong mekem yumi harem gud.”—2 Korin 1:3, 4.

Baebol i kamfotem plante man we wan famle o fren blong olgeta i ded. Blong save moa, ridim tufala atikol ya “Winim Filing Blong Harem Nogud—Samting We Yu Save Mekem“ mo “Help We i Beswan.“

Baebol i talem ansa blong problem ya

“Yu mekem Kingdom blong yu i kam. Yu mekem wil blong yu i kamtru long wol ya olsem long heven.”—Matiu 6:10.

I no longtaem, “Kingdom blong God” bambae i mekem se i no moa gat “wan man long ples ya i talem se: ‘Mi mi sik.’” (Mak 1:14, 15; Aesea 33:24) Wajem video ya ?Wanem Ya Kingdom Blong God? blong save moa long saed blong gavman ya long heven, mo samting we bambae hem i mekem.

Mifala i invaetem yu blong lanem moa long saed blong Baebol, blong ol waes advaes mo ol gudfala promes blong hem oli save givhan long yu mo famle blong yu.