?Baebol i Talem Wanem?
?Wanem ya Amagedon?
Sam man oli ting se . . .
hem i wan bigfala faet long fulwol we bae oli yusum ol tul blong faet, o i wan taem we fulwol bae i nogud. ?Wanem tingting blong yu?
Samting we Baebol i talem
Amagedon i no wan prapa ples, be hem i dei we God bae i tekem aksen blong “faet” agensem ol rabis man.—Revelesen 16:14, 16.
Narafala samting we yumi lanem long Baebol
Faet blong Amagedon we God i mekem, i no blong spolem wol ya, be i blong sevem wol long ol man we oli stap spolem.—Revelesen 11:18.
Faet blong Amagedon bae i finisim olgeta faet.—Ol Sam 46:8, 9.
?Yumi save laef tru long faet blong Amagedon?
?Yu ting se . . .
Yes?
No?
Maet?
Samting we Baebol i talem
“Wan bigfala hip blong ol man” we oli kamaot long olgeta ples long wol bae oli laef tru “long bigfala trabol,” we bae i finis wetem faet blong Amagedon.—Revelesen 7:9, 14.
Narafala samting we yumi lanem long Baebol
God i wantem se plante man oli laef tru long faet blong Amagedon. Taswe, laswan samting we bae hem i spolem, hemia ol rabis man.—Esikel 18:32.
Baebol i eksplenem olsem wanem blong laef tru long Amagedon.—Sefanaea 2:3.
Maet Yu Laekem Hemia Tu
ANSA WE BAEBOL I GIVIM
?Wanem Ya Faet Blong Amagedon?
Tok ya Amagedon i kamaot wan taem nomo long Baebol, be ful Baebol i tokbaot faet ya.
