Okhian Na Mu Lẹga vbe Bẹtẹl
Ma ye ẹkorhiẹnrhiẹnmwẹ tie ruẹ, nu do mu okhian lẹga ehe nẹ avbe ọfisi ọghomwa kevbe emadogua ne ima ya print avbe ebe ye. Gualọ ehe nọ khin kevbe ẹghẹ na ya mu okhian lẹga.
A Werriegbe Suẹn Gha Mu Okhian Lẹga e Bẹtẹl: Vbe ẹvbo nibun, ke June 1, 2023 kpa, ma gha kue ne emwa werriegbe suẹn gha mu okhian lẹga e Bẹtẹl. Deghẹ u hoo ne u rẹn sayọ, u sẹtin gbẹn ebe gie iran vbe Bẹtẹl ne u hoo ne u mu okhian gha rrie. Adeghẹ u mwẹ COVID-19, ọha ra u gu ọmwa nọ mwẹ COVID-19 mu obọ, lahọ ghẹ rre.
Ukraine
Ayahọmwaehọ Nọ Dekaan Okhian Na Mu Lẹga
Ọ khẹke ne u gbẹn ẹghẹ ne u ya dee yotọ u ke do mu okhian lẹga ra? Ẹẹn. Ọ khẹke ne emwa ni hoo ne iran mu otuẹ rre ka gbẹn ẹghẹ ne iran ya dee yotọ, ne emwa ni mu otuẹ rre vbe ẹdẹ ọkpa ghẹ bun gbe, ọre te iran bun ra ibozẹghẹ iran khin.
Adeghẹ u ma gbẹn ẹghẹ ne u ya dee yotọ, u gha ye sẹtin do mu okhian lẹga ra? U i khian sẹtin mu okhian lẹga ẹdẹrriọ, rhunmwuda ẹkpoto i mobọ rrọọ kevbe wẹẹ, ibozẹghẹ emwa ẹre ima rhie lẹga ẹdẹdẹgbe.
De ẹghẹ nọ khẹke ne u ya sẹ emwa vbe ẹdẹ ne u khian do mu okhian lẹga? Lahọ rherhe sẹ emwa, ọ gha kẹ, giẹ gha re ifuanro 15 ọ ke sẹ ẹghẹ ne u khian do ya mu okhian lẹga, ne emwa ghẹ do bun gbe.
De vbene u khian ya gbẹn ẹghẹ ne u ya dee yotọ hẹ? Ya klik ako nọ khare wẹẹ “Gbẹn Ẹghẹ Ne U Ya Dee Yotọ.”
U gha sẹtin fi ẹghẹ ne u ya dee werriẹ, ra ne u fi ekhọe werriẹ ra? Ẹẹn. Ya klik ako nọ khare wẹe “Ghee Ẹre ra Fi Ẹghẹ Ne U Ya Dee Werriẹ.”
Deghẹ ai khian rhie emwa lẹga vbe ẹdẹ ne u ya dee ghi vbo? Ye gha ghee wẹbsait na, ne u mieke na rẹn deghẹ ẹkpotọ gha kie. Rhunmwuda zẹ vbene emwa ya fi ekhọe werriẹ kevbe ẹghẹ ne iran ya dee, erriọ ẹkpotọ ya kie ne emwa ọvbehe do ya mu okhian lẹga.
Okhian Na Mu Lẹga
Avbe Iwinna Na Mobọ Ru
Vbe okhian ọghe ifuanro 30 na, u gha miẹn vbene Abotu na ya dia iwinna ọghe Avbe Osẹe Jehova ni rre iko ni gberra 1,500 vbe Ukraine, iran siẹnro iwinna Ọgua Arriọba na bọlo, iran ẹre ọ vbe siẹnro iwinna izedu ọghe avbe ebe ni rhan otọe Baibol, ghee urhuẹvbo Romania (Chokeshi, Lovari), Romany (Ukraine), Urhuẹvbo Ekhakha Ọghe Russia, Rusyn (Carpathian), kevbe Ukraine.
Ehe ọvbehe ne emwa sẹtin vbe mu okhian lẹga ọre aza na viọ emwi arre yi, nọ gie vbene iwinna Avbe Osẹe Jehova ya suẹn hẹ vbe Ukraine. Avbe orhunmwunyẹn sẹtin tobọ iran khian lẹga, iyeke ọni iran sẹtin ya rọkhọ egbe vbe ehe na mwamwa nẹ avbe orhunmwuyẹn. Ẹghẹ ne okhian na khian ya vbe otọ gha sẹ eva vbe ukhiọnmwẹ (2.5).