Momo. Nge bia ke menda menda na bia kañete, bi nji dañ bo ésaé te amu bia buni na j’aye ve bia ényiñe. (Beéphésien 2:8) Amu jé bia jô nalé?

Tame fas ajô di: Bi tame jô na, môt éziñ a ka’a na, aye dasé môte ase aye ke vôme éziñ, môse éziñ. Nge môt ate a kobô nya ajô, nga w’aye bo jam aye jô wo? W’aye jeñe fe na ô kate bivuvuman biôé a bemvôé bôé jame te asu na be fe be bi dase te. Nge môt ate a dasé wo, ye ô ne fo’o kôme jô na a ne amu wo te bo ngumba jam éziñ nga? Teké’é. Amu das é ne ve das.

Zambe fe a nga ka’a na aye ve môt ase a bo nye mewôk ényiñ ya nnôm éto. Bia buni ajô te. (Beromain 6:23) Nde bia ve ngul na bôte bese be wô’ô foé éte ndemben b’aye bu’ubane mam mete. Ve jam da, bi nji dañe bo ésaé te amu bia buni na, j’aye ve bia ényiñe. (Beromain 1:17; 3:28) Môt a binam éziñ a vo’o tametan na Zambe a yiane nye ve ényiñe ya nnôm éto. “A nga nyii bia, saa amu mimboone biabebien bi nga bo e zôsôô été, ve amu nkoon éngôngole wé.”—Tite 3:5, Kalate Zambe mfefé nkôñelan.