KWI 57
Soñ mbwô nkùn njoñ benntùn fa
-
1. Bag bin tshwèt nkô nefiʼde zeben Nsi,
Neghab ke tô bu, mfiʼde ze nkôni.
A ze nekô neyôg njoñ bentùn fa;
A ghaʼ mbu mi, netsiañde njoñ ben fa.
(DÙʼ NEBWÔGDE)
A mènntùn, a ke tañlaʼ;
A bʼa ntù, a ke ntshaʼ se.
Ntshob Nsi bag bin tshwèt ngabte njoñ ben fa.
Num nkôni zʼa ntù ben nà,
Bʼaʼ soñ mbwô nkùn njoñ dùʼ fa:
“Njoñ benntùn fa kuʼni nebe nshun Nsi.”
-
2. Ju ndùb keʼ bʼa tañlaʼ zʼo tèt mèn nà
Ke bèn mbʼa ju zʼo kwade mbʼaʼ be là.
Ju ndùb neyen bʼa mèn zʼa be ntùm ntùʼi
Mèn num bag ywèt, zʼa bwô miag Yaweh Nsi.
(DÙʼ NEBWÔGDE)
A mènntùn, a ke tañlaʼ;
A bʼa ntù, a ke ntshaʼ se.
Ntshob Nsi bag bin tshwèt ngabte njoñ ben fa.
Num nkôni zʼa ntù ben nà,
Bʼaʼ soñ mbwô nkùn njoñ dùʼ fa:
“Njoñ benntùn fa kuʼni nebe nshun Nsi.”
-
3. Yaweh Nsi tshwèt ntsiañde ben bo loʼ mfiʼ
Nekù njwèn njù boa mat kebwô sènni.
Ntshob mi be ziʼ, mbèn ntsiañde nenèn nsoñ,
Bʼaʼ nèn nàfaʼ ke yaʼ mèn bo yen foñ.
(DÙʼ NEBWÔGDE)
A mènntùn, a ke tañlaʼ;
A bʼa ntù, a ke ntshaʼ se.
Ntshob Nsi bag bin tshwèt ngabte njoñ ben fa.
Num nkôni zʼa ntù ben nà,
Bʼaʼ soñ mbwô nkùn njoñ dùʼ fa:
“Njoñ benntùn fa kuʼni nebe nshun Nsi.”
(Mbèn ndôde Yoha. 12:32; Mfaʼ Gha. 10:34; 1 Tim. 4:10; Tit. 2:11.)
