Mbʼo kuʼni nejù bin yen ziʼde ñwaʼni Nsi li là
Netoʼde, lôde mba bo nabte ba bag tse yi là, mbèn ndôde LAʼDE NETSHAÑ.
MBWE BAG I
Nenabte mba zit bag i lo, siañ mbwe bag i. Mbètte bo kide bo nkoʼ miag ñwaʼni là (A) ngù ba nka Ñwaʼni Nsi (B) nke nsañlañ à num ba bag tse ndùb. Lôde njen mbe bo kide mbañ tsemoʼ nka Ñwaʼni Nsi mbe “siañ.”
MBATTE BAG I
Mbwe ju bo kide ntùm bag i (C) Tsweʼ ntun mi là tshwèt mbagde ju ze bo ziʼde là. Ba metoʼ tu i (D) tshwèt ndaʼde ju ze bo swade ntshob mfà num bwe là.
Ba LAʼDE NETSHAÑ bʼa neywimdʼo nejuʼ mba zit bag i lo kuaʼ mebwô. Tsemoʼ laʼde netshañ nke ntshob mfà à num ba tshô tsʼa tôg là, tsemoʼ nke mbʼa ba tshô tse bo kwade là num nelaʼde tshu tsʼa num ntôg ntùm yôg benntùn nà.
Bo yu ngatswide, siañ ba nka Ñwaʼni Nsi, mbùnde ba mbètte mbèn ndôde ba laʼde netshañ (E), mbèn siañde mfà num bag i Tsemoʼ benntùn num ntshob mbe (F).
MIAGDE BAG I
Ju netshùbe bo Mbètte nekwimde (G) tshwèt nkut tun mba zit bag i lo. Kide léʼ zʼo miagde taʼ bag i là. Bag i Mfiʼ ze bʼo loʼ là (H) tshwèt mfà ju zʼa bètte o faʼ num bwe là. Bag i Diage (I) ghù tsemoʼ tshu nesiañe bo ba laʼde netshañ.
Mba bʼo fon ba nka Ñwaʼni Nsi là
Ñwaʼni Nsi ghù bon ntoʼ mbuʼ mi 66. A ghù bag tse bàa: nkide ntùm ntshob Héber bo Aram (“Njwèn Kàn”) mba nkide ntùm ntshob Grikia (“Kàn Nswe”).
Ngelañ bo fà taʼ nka Ñwaʼni Nsi là, a nke ntoʼdʼà bo lén ñwaʼni (A), mbattʼé be nkam i (B), mbatte tat be nka i ke nka tse lo (C).
Mba mfiʼ là, Yohané 17:3 nke ndaʼdʼà ñwaʼni Yohané, nkam i 17, nsiañ nka i 3.
