BAG I 45

Nebe ke loʼ bag ntùm njù nke mbagdʼà mbe ke?

Yésu naʼ tswide mbe ghaziʼde nu i keʼ ghù neloʼ bag ntùm njù. (Yohané 15:19) Yennà bʼa—nebe ke loʼ bag ntùm tshunu nkùnkù mba ntùm ntsho. Nenùn bʼa mbe a keʼ fiag njoñ ngelañ fa nenya ke loʼ bag. Be benntùn yéʼde num bwe nzwii ben. Be kuʼni nebe ke loʼ bag mbèn ntswe nelat num Yaweh Nsi à ndùke?

1. Benkristô tse nenùn nke nkwadʼà ke mfà num netô benntùn nyiañtu à?

Benkristô num mfà nkuʼni ba ghatô ngô. Bag num ngù mba Yésu naʼ ntshob là: “Tshu Kàsà, bin fà Kàsà”—nke nze ntshùʼ ngô mba nebé féʼ ke taksé lo. (Marko 12:17) Ñwaʼni Nsi tshwèt ntswide mbe benntùn nyiañtu nke ntô à ndaʼ nummbe Yaweh Nsi fañ mbe bo tôô. (Roma 13:1) Ndùlà, bag bin lèn mbe netô benntùn nyiañtu ghù ndù i. Bag bin nke mbéb à Nsi bo ze Nufen num nenabte ngùtni benntùn nyiañtu.

2. Bag bin kuʼni nelaʼdʼà ndùke mbe be keʼ be loʼ bag ntùm njù à?

Mba Yésu là, bag bin keʼ be loʼ bag ntùm tshunu nkùnkù. Ngelañ benntùn naʼ njen ba mesim tse Yésu naʼ ngù là, bo diag nete i mven ndaʼndù a naʼ ke bam. (Yohané 6:15) Numke a naʼ nga à? Nummbe mbʼa naʼ be nèn mbwe ntshob là, “yàm Nufen keʼ bʼa ze ntùm yen njù li.” (Yohané 18:36) Mba ghaziʼde nu Yésu là, bag bin num ndaʼde ntùm mat nzenze mbe be keʼ be loʼ bag ntùm njù. Mba mfiʼ là, be keʼ be nèn ntsho. (Siañ Mika 4:3.) Bag bin num nkuʼni ba netshañ ngô mba kam nzwe ngô là, ndaʼndù bag keʼ be fà ghamde bo. (1 Yohané 5:21) Bag bin keʼ be tomde, ke ne ndeʼ taʼ kum nkùnkù ke taʼ ngaghù nkùnkù lo. A ndaʼ tsemoʼ mat là tse bag bin num ntshùade bwe ndaʼde mbe be lat ntù ntshùʼ num ze netô Nsi—Nufen se là.

TSWEʼ NTUN MI

Yen ba tshu tse bʼa yab yu nebe ke loʼ bag ntùm njù ntùm lañde là, mbèn njen mbʼo kuʼni neloʼ ba mfiʼ tsʼa tsiañde ntù Yaweh Nsi là.

3. Benkristô tse nenùn keʼ be loʼ bag ntùm njù

Yésu boa ghaziʼde nu i naʼ fañ mfiʼ ben. Siañ Roma 13:1, 5-7 bo 1 Pétro 2:13, 14. Lôde LAʼDE NETSHAÑ mbèn mbùnde tshen mbètte li.

LAʼDE NETSHAÑ: La neutralité des vrais chrétiens—(Partie 1) (4:28)

Numke a mbètte be nke nkuʼni netô benntùn nyiañtu à?
Ba mat nelaʼde mbe be tshwèt njuʼni yub bʼa tsile?

Ngelañ ntsho, tsemoʼ ngô num ntshob mbe bo keʼ loʼ bag, ndaʼndù nke ntomde mba zit bag i lo ntùm ntsho. Nebe ke loʼ bag nke mbagdʼà kuaʼ mbe ke? Siañ Yohané 17:16. Lôde LAʼDE NETSHAÑ mbèn mbùnde yen bètte li.

LAʼDE NETSHAÑ: La neutralité des vrais chrétiens—(Partie 2) (3:11)

Nebe ke loʼ bag nke mbagdʼà mbe ke?

Ngomnaʼ bèttʼo neghù tshu tsʼa keʼ zin ku ntshùʼ bo ntshùʼ Nsi là, mbʼoaʼ ghù à ndùke? Siañ Mfaʼ Ghantum 5:28, 29. Lôde LAʼDE NETSHAÑ mbèn mbùnde tshen mbètte li.

LAʼDE NETSHAÑ: La neutralité des vrais chrétiens—(Partie 3) (1:18)

Taʼ ntshùʼ ngomnaʼ be ke zin ku ntshùʼ bo ntshùʼ Nsi mbʼoaʼ bél à zile?
O kwade taʼ ngelañ ze taʼ mènkristô keʼ ghù neze ntshùʼ ngomnaʼ ké?

4. Kà loʼ bag ntùm nkwade mu mba ngùninu mu

Siañ 1 Yohané 5:21. Lôde LAʼDE NETSHAÑ mbèn mbùnde tshen mbètte li.

LAʼDE NETSHAÑ: Numke a mbètte benkristô ghù tànntù—nebe ke loʼ bag (2:49)

Ntùm laʼde netshañ, ke zʼa ghù Ayenge tshoʼ nebe ke tsho ntùm taʼ kum nkùnkù ke netshaʼde kam nzwe ngô lo à?
O kwade mbe mfiʼ zʼa loʼ là bʼa taʼ mfiʼ zenu ké?

Tsit tshu bèn nkuʼni nelañde zebe nebe ke loʼ bag à? Lôde LAʼDE NETSHAÑ, mbèn mbùnde tshen mbètte li.

LAʼDE NETSHAÑ: Tirons des leçons de la Tour de Garde—Reste neutre dans un monde divisé (5:16)

O kuʼni netswe ke loʼ bag ngelañ ba ngôngô num ngù sa tam nku ke tsemoʼ sa lo à ndùke?
O kuʼni netswe ke loʼ bag ngelañ ghaghù nkùnkù loʼ ba mfiʼ tsʼa tshwèt nkwag o lʼà ndùke?
Tshu tse be num njuʼ ntùm ba nkùn, ke benntùn bag bin num ntamde boa bo lo kuʼni netènde ben neloʼ bag à ndùke?