Niadtong Nobyembre 17, 2023, dihay magnitude 6.7 nga linog nga mitay-og duol sa habagatang bahin sa Pilipinas. Kini nahitabo mga 26 kilometros (16 milya) habagatan sa Mindanao. Sa Davao Region, General Santos City, ug sa Sarangani, lainlaing bilding ang nadaot, apil ang mga pasilidad sa gobyerno, eskuwelahan, ug mga mall. Daghang balay sab ang naapektohan.

• Ikasubo, 1 ka sister ang namatay

• 10 ka igsoon ang naangol. Apil nila ang asawa sa usa ka tigdumala sa sirkito nga naospital pero dili ra kritikal ang kahimtang

• 4 ka balay ang dunay major damage

• 4 ka balay ang dunay minor damage

• 2 ka Kingdom Hall ang dunay minor damage

• Giporma ang usa ka Disaster Relief Committee sa pagtabang sa mga naapektohan

• Ang mga tigdumala sa sirkito ug mga ansiyano padayong nag-shepherding sa mga naapektohan

Apil sa atong pag-ampo ang mga igsoon nga naapektohan niini nga linog ug mapasalamaton ta niadtong mga nag-atiman nila. Bisag nagkinabuhi ta sa lisod nga panahon, segurado ta nga si Jehova, ang atong Bato, maghatag natog kusog aron makalahutay ta.—1 Samuel 2:2.