Isaias 1:1-31
1 Ang panan-awon nga nakita ni Isaias*+ nga anak ni Amoz bahin sa Juda ug Jerusalem sa mga adlaw ni Uzzias,+ Jotam,+ Ahaz,+ ug Ezequias,+ nga mga hari sa Juda:+
2 Pamati, Oh kalangitan, ug paminaw, Oh yuta,+Kay si Jehova nagsulti:
“Nagmatuto ug nagpadako kog mga anak,+Apan sila mialsa batok kanako.+
3 Ang usa ka torong baka nakaila pag-ayo sa nagpalit niini,Ug ang asno nakaila sa pasungan sa tag-iya niini;Apan ang Israel wala makaila kanako,*+Ang akong kaugalingong katawhan wala mogawi uban ang pagsabot.”
4 Alaot ang makasasalang nasod,+Ang katawhan nga puno ug kasaypanan,Ang kaliwatan sa mga daotan, mga anak nga nagpahinabog kadaot!
Gibiyaan nila si Jehova;+Wala nila tahora ang Balaang Usa sa Israel;Gitalikdan nila siya.
5 Asa pa man mo hampakon samtang gipasamot ninyo ang inyong pagrebelde?+
Ang inyong tibuok ulo nalukop nag samad,Ug ang inyong tibuok kasingkasing masakiton na.+
6 Gikan sa lapalapa hangtod sa ulo, wala nay maayong bahin.
Dunay mga samad, bun-og, ug naghubag nga mga samad—Kini wala tambali* o bugkosi o butangig lana.+
7 Ang inyong yuta maoy biniyaan,Ang inyong mga siyudad nasunog.
Ang inyong yuta gilamoy sa mga langyaw sa inyo mismong atubangan.+
Nahisama kinig awaaw nga yuta kay gipukan sa mga langyaw.+
8 Ang anak nga babaye sa Zion nahibilin samag silonganan* diha sa ubasan,Samag payag diha sa uma sa pepino,Samag siyudad nga gilikosan.+
9 Kon si Jehova sa mga panon* wala pa magbilin kanatog pipila ka tawo nga naluwas,Kita nahisama na unta sa Sodoma,Ug kita naparehas na unta sa Gomora.+
10 Pamatia ninyo ang pulong ni Jehova, kamong mga diktador* sa Sodoma.+
Hatagi ninyog pagtagad ang balaod* sa atong Diyos, kamong mga taga-Gomora.+
11 “Unsay akong makuha sa daghan ninyong halad?”+ miingon si Jehova.
“Igo na ang inyong mga halad nga sinunog nga mga laking karnero+ ug ang tambok sa pinakaon pag-ayo nga mga hayop,+Ug wala ko malipay sa dugo+ sa mga toreyong baka+ ug mga nating karnero ug mga kanding.+
12 Dihang manganhi mo aron moatubang kanako,+Kinsay nagsugo kaninyo nga buhaton kini,Kining pagyatak sa akong mga hawanan?+
13 Hunong na mo sa pagdalag walay bili nga mga halad nga lugas.
Ang inyong insenso dulumtanan kanako.+
Nagsaulog mog mga bag-ong bulan+ ug mga igpapahulay,+ ug naghikay mog mga panagkatigom.+
Apan dili nako maantos ang paggamit ug salamangka+ uban sa inyong solemneng panagkatigom.
14 Gidumtan nako ang inyong mga bag-ong bulan ug ang inyong mga pista.
Nakapabug-at kini kanako;Gikapoy na ko sa pagpas-an niini.
15 Ug dihang bayawon ninyo ang inyong mga kamot,Dili ko motan-aw kaninyo.+
Bisan pag kadaghan mo moampo,+Dili ko mamati;+Ang inyong mga kamot puno ug dugo.+
16 Hugasi ang inyong kaugalingon, hinloi ang inyong kaugalingon;+Kuhaa ang inyong daotang binuhatan gikan sa akong panan-aw;Hunong na sa pagbuhat ug daotan.+
17 Pagkat-on sa pagbuhat ug maayo, pangitaa ang hustisya,+Badlonga ang tigdaogdaog,Panalipdi ang mga katungod sa bata nga wala nay amahan,*Ug labani ang kawsa sa babayeng balo.”+
18 “Ari mo karon, ug husayon nato ang mga butang tali kanato,” miingon si Jehova.+
“Bisan tuod ang inyong mga sala hayag-pula,Kini papution sama sa niyebe;+Bisag sama kini ka pula sa dagtom-pula nga panapton,Kini mahisama sa balhibo sa karnero.
19 Kon andam mong mamati ug mosunod,Makakaon mo sa maayong mga butang sa yuta.+
20 Apan kon modumili mo ug morebelde,Lamyon mo sa espada,+Kay si Jehova mismo ang nagsulti niini.”
21 Ang matinumanong siyudad+ nahimo gayong pampam!*+
Siya kanhi puno sa hustisya;+Kaniadto nagpuyo kaniya ang pagkamatarong,+Apan karon mga mamumuno na.+
22 Ang imong plata* nahimong hugaw,*+Ug ang imong serbesa* gisagolan ug tubig.
23 Ang imong mga prinsipe gahian ug kauban sa mga kawatan.+
Ang matag usa kanila gustog hiphip ug nag-apas ug mga gasa.+
Wala nila hatagig hustisya ang wala nay amahan,*Ug wala nila hatagig pagtagad ang legal nga kaso sa babayeng balo.+
24 Busa ang matuod nga Ginoo, si Jehova sa mga panon,Ang Gamhanang Usa sa Israel, mipahayag:
“Aha! Wagtangon nako ang akong mga kontra,Ug panimaslan nako ang akong mga kaaway.+
25 Bakyawon nako ang akong kamot batok kanimo,Lunsayon nako ang imong hugaw nga samag naggamit ug sabon,*Ug wagtangon nako ang tanan nimong kahugawan.+
26 Akong ibalik ang imong mga maghuhukom sama sa unaUg ang imong mga magtatambag sama sa sinugdan.+
Human niini ikaw tawgong Siyudad sa Pagkamatarong, Matinumanong Lungsod.+
27 Uban sa hustisya ang Zion pagatubson,+Ug ang iyang namalik nga katawhan, uban sa pagkamatarong.
28 Ang mga rebelde ug ang mga makasasala dungang laglagon,+Ug kadtong namiya kang Jehova mangalaglag.+
29 Kay sila mangaulaw sa lig-ong mga kahoy nga inyong gitinguha,+Ug kamo maulawan tungod sa mga tanaman* nga inyong gipili.+
30 Kay kamo mahisama sa dakong kahoy nga ang mga dahon nangalaya,+Ug sama sa tanaman nga walay tubig.
31 Ang baskog nga tawo mahimong lanot,*Ug ang iyang buluhaton mahimong aligato;Kining duha dungang magdilaab,Ug walay magpalong niini.”
Mga Footnote
^ Kahulogan, “Kaluwasan ni Jehova.”
^ O “sa agalon niini.”
^ Literal, “pislita.”
^ O “balongbalong.”
^ Literal, “kasundalohan.”
^ O “magmamando.”
^ O “instruksiyon.”
^ O “sa wala nay ginikanan.”
^ Iningles, silver.
^ Ang Hebreohanong termino nagtumong sa hugaw nga mobulag sa plata o bulawan dihang kini tunawon.
^ O “serbesa nga trigo.”
^ O “wala nay ginikanan.”
^ O “lihiya.”
^ Dayag nga mga kahoy ug mga tanaman nga nalangkit sa pagsimbag idolo.
^ Samag pisi nga lanot nga dali rang masunog.
