Miqueas 6:1-16
6 Palihog patalinghogi ang giingon ni Jehova.
Tindog, ipresentar ang imong legal nga kaso atubangan sa kabukiran,Ug hinaot patalinghogan sa kabungtoran ang imong tingog.+
2 Oh kamong kabukiran, patalinghogi ang kaso ni Jehova,Kamong mga lig-ong pundasyon sa yuta,+Kay si Jehova dunay legal nga kaso batok sa iyang katawhan;Siya makiglantugi batok sa Israel:+
3 “Akong katawhan, unsay akong nahimo kaninyo?
Sa unsang paagi mo nako gipakapoy?+
Pagtestigo mo batok kanako.
4 Kay kamo akong gipagawas gikan sa yuta sa Ehipto,+Gikan sa balay sa pagkaulipon kamo akong gitubos;+Akong gipadala kaninyo si Moises, si Aaron, ug si Miriam.+
5 Akong katawhan, palihog hinumdomi kon unsay giplano ni Balak nga hari sa Moab,+Ug kon unsay gitubag kaniya ni Balaam nga anak ni Beor+—Kon unsay nahitabo gikan sa Sitim+ hangtod sa Gilgal+—Aron kamo mahibalo sa matarong nga mga buhat ni Jehova.”
6 Unsay akong dad-on dihang moatubang ko kang Jehova?
Unsay akong dad-on dihang moyukbo ko sa Diyos sa kahitas-an?
Magdala ba ko sa iyang atubangan ug mga tibuok halad nga sinunog,Ug nating baka nga usa ka tuig ang kagulangon?+
7 Malipay ba si Jehova sa linibo ka laking karnero,Sa daghan kaayong lana?+
Ihatag ba nako ang akong panganay nga anak nga lalaki alang sa akong kalapasan,Ang bunga sa akong lawas alang sa akong sala?+
8 Oh tawo, iyang gisulti kanimo kon unsay maayo.
Ug unsa ba ang gipangayo ni Jehova kanimo?
Mao lamang ang pagbuhat sa hustisya,*+ ang paghigugma sa pagkamaunongon,*+Ug ang paglakaw nga mapainubsanon*+ uban sa imong Diyos!+
9 Ang tingog ni Jehova nagtawag diha sa siyudad;Kadtong dunay praktikal nga kaalam mahadlok sa imong ngalan.
Patalinghogi ninyo ang bunal ug ang usa nga nagtudlo niini.+
10 Anaa pa ba ang mga bahandi sa pagkadaotan sa balay sa daotanUg ang kulang nga takos sa epah* nga dulumtanan?
11 Mahimo ba kong putli* pinaagi sa daotang timbangan,Nga ang pangtimbang nga mga bato limbongan?+
12 Kay ang iyang dato nga mga tawo punog kapintasan,Ug ang iyang mga molupyo nagsultig kabakakan;+Ang ilang dila malimbongon.+
13 “Busa ikaw akong samaran pinaagi sa paghampak kanimo,+Ug ikaw himoon nakong biniyaan tungod sa imong mga sala.
14 Ikaw magkaon apan dili mabusog;Ikaw mobatig kahaw-ang.+
Ang imong gikuha, dili nimo madala nga luwas,Ug ang imong madala, akong itugyan sa espada.
15 Ikaw magpugas ug binhi, apan dili ka makapangani.
Ikaw magpuga ug mga olibo, apan dili ka makagamit sa lana;Ug ikaw maghimog bag-ong bino, apan dili ka makainom sa bino.+
16 Kay inyong gisunod ang mga lagda ni Omri ug ang tanang buhat sa panimalay ni Ahab,+Ug kamo naglakaw sumala sa ilang tambag.
Mao nga kamo akong silotan, ug ang mga tawo mangahadlok tungod nianaUg ang iyang mga molupyo tamayon;*+Ug inyong antoson ang pagbiaybiay sa mga katawhan.”+
Mga Footnote
^ O “makasaranganon.”
^ O “ang pagbaton ug gugma nga maunongon ug mahunahunaon sa uban.” Literal, “ang paghigugma sa maunongong gugma.”
^ O “sa kon unsay makataronganon.”
^ Tan-awa ang Apendise B14.
^ O “inosente.”
^ Literal, “pagataghoyan.”
