Proverbio 25:1-28
25 Kini sab ang mga panultihon ni Solomon,+ nga gikopya* sa mga tawo ni Ezequias+ nga hari sa Juda:
2 Himaya sa Diyos ang pagtipig ug sekreto,+Ug himaya sa mga hari ang pagsusi sa usa ka butang.
3 Sama nga taas ang langit ug lawom ang yuta,Dili sab masayran kon unsay naa sa kasingkasing sa mga hari.
4 Kuhaa ang naglutaw nga hugaw gikan sa gitunaw nga plata,Ug ang plata mahimong puro.+
5 Kuhaa ang daotan sa atubangan sa hari,Ug ang iyang trono lig-ong matukod sa pagkamatarong.+
6 Ayaw pasidunggi ang imong kaugalingon atubangan sa hari,+Ug ayawg lingkod uban sa mga inila,+
7 Kay mas maayo pang moingon siya: “Saka diri,”Kay sa pakaulawan ka atubangan sa tawong halangdon.+
8 Ayaw pagdalidali sa pagpasakag kaso,Kay unsa man unyay imong himoon kon mapamatud-an sa uban nga sayop ka?+
9 Pakighusay sa imong isigkatawo,+Apan ayawg isulti ang sekreto sa uban,*+
10 Aron kadtong makadungog dili magpakaulaw nimoUg dili ka makasabwag ug daotang estorya* nga dili na mabakwi.
11 Ang pulong nga gisulti sa hustong panahonSamag bulawang mansanas sa sudlanan* nga plata.+
12 Ang pagbadlong sa maalamong tawoSamag ariyos nga bulawan ug alahas nga purong bulawan para sa dalunggan nga maminaw.+
13 Ang matinumanong mensaheroSama sa kabugnaw sa niyebe sa adlaw sa pagpangani para sa nagpadala niya,Kay napalagsik niya ang iyang agalon.+
14 Ang tawo nga manghambog nga mohatag ug regalo pero dili niya kini ihatagSamag panganod ug hangin nga walay dalang ulan.+
15 Pinaagi sa pagpailob ang komandante malukmay,Ug ang lumo nga dila makabalig bukog.+
16 Kon makakita kag dugos, kaon lag igo nimo,Kay kon daghan kaayo ang imong kaonon, basig imo ra ning isuka.+
17 Ayaw pagsigeg adto sa balay sa imong isigkatawo,Aron dili siya mapul-an ug magdumot nimo.
18 Ang tawo nga motestigog bakak batok sa iyang isigkatawo+Samag puspos sa gubat ug espada ug hait nga pana.
19 Ang pagsalig sa tawo nga dili kasaligan* panahon sa kalisdananSamag buak nga ngipon ug huyang nga tiil.
20 Ang tawo nga mokanta sa masulub-on ug kasingkasing+Samag tawo nga naghukas sa tugnawng panahonUg samag suka nga gibubo sa soda.
21 Kon ang imong kaaway* gigutom, hatagi siyag tinapay;Kon siya giuhaw, hatagi siyag tubig,+
22 Kay pinaagi niana, nagpundok kag mga baga sa iyang ulo,*+Ug gantihan ka ni Jehova.
23 Ang hanging amihan magdalag kusog nga ulan,Ug ang dila nga tabian makapasuko sa uban.+
24 Maayo pang mopuyo sa suok sa atopKay sa mopuyo sa balay uban ang palaaway* nga asawa.+
25 Ang maayong balita gikan sa layong yuta+Samag bugnawng tubig para sa tawo* nga gikapoy.
26 Ang tawong matarong nga magpadala* sa tawong daotanSamag lapokon nga tubod ug daot nga atabay.
27 Dili maayo ang pagkaon ug daghang dugos,+Ug dili pod makahatag ug dungog ang pagtinguhag kadungganan.+
28 Ang tawo nga dili makapugong sa iyang kasuko+Samag siyudad nga lumpag ang paril.
Mga Footnote
^ O “gikopya ug gitigom.”
^ O “ang kompidensiyal nga butang nga gisulti kanimo.”
^ O “makadaot nga tabi.”
^ O “kinulit.”
^ O posible, “tawong limbongan.”
^ Literal, “ang nagdumot nimo.”
^ Nagpasabot nga malukmay ang tawo ug matunaw ang iyang pagkagahi.
^ O “reklamador; yawyawan.”
^ O “kalag.”
^ O “mokompromiso uban.”
