Proverbio 5:1-23
5 Anak ko, pamati sa akong kaalam.
Paminawa pag-ayo ang* akong ginatudlo bahin sa katakos sa pag-ila,+
2 Aron imong mabantayan ang imong katakos sa panghunahunaUg kanunay kang mosulti sa kamatuoran.+
3 Kay ang mga pulong* sa makasasala* nga babaye sama ka tam-is sa dugos,+Ug mas suwabe pa kay sa lana.+
4 Apan sa kataposan parehas siya ka pait sa ajenjo*+Ug parehas ka hait sa espada nga duhay sulab.+
5 Ang iyang mga tiil nanaog ngadto sa kamatayon.
Ang iyang mga lakang deretso sa Lubnganan.*
6 Wala siya maghunahuna sa dalan sa kinabuhi.
Nasaag siya, ug wala mahibalo kon asa paingon ang iyang mga lakang.
7 Karon, mga anak, paminawa koUg ayawg talikdi ang akong ginasulti.
8 Palayo niya;Ayawg duol sa entrada sa iyang balay,+
9 Aron dili madaot ang imong reputasyon+Ug dili ka mag-antos* sa nahibiling mga tuig sa imong kinabuhi;+
10 Aron dili hutdon sa mga estranyo ang imong kabtangan*+Ug maadto sa balay sa langyaw ang imong gihagoan.
11 Kay kon dili, mag-agulo ka sa ulahing bahin sa imong kinabuhiDihang luya na ang imong lawas ug nagakawala na ang imong kusog+
12 Ug moingon ka: “Nganong gidumtan man nako ang disiplina?
Nganong gitamay sa akong kasingkasing ang pagbadlong?
13 Wala ko maminaw sa akong mga instruktor;Wala ko mamati sa akong mga magtutudlo.
14 Maong nag-atubang ko sa kalaglaganAtubangan sa katawhan* sa Diyos.”+
15 Inom ug tubig sa imong kaugalingong atabayUg sa nagaagos nga tubig sa kaugalingon nimong tuboran.+
16 Paagason ba nimo sa gawas ang imong mga tubod,Paabton ba nimo sa mga plasa ang imong nagaagos nga tubig?+
17 Imo lang ni,Ug ayaw nig ipaambit sa mga estranyo.+
18 Mapanalanginan unta ang imong kaugalingong tuboran sa tubig,Ug maglipay unta ka sa imong asawa nga imong gipangasawa dihang batan-on pa ka,+
19 Nga usa ka mahigugmaong bayeng osa, usa ka makabibihag nga kanding sa bukid.+
Matagbaw unta ka sa iyang mga dughan sa tanang panahon.
Mabihag unta ka kanunay sa iyang gugma.+
20 Busa, anak ko, nganong mabihag man ka sa makasasala* nga babayeO mogakos sa imoral* nga babaye?+
21 Kay ang mga dalan sa tawo naa atubangan sa mga mata ni Jehova;Iyang ginasusi ang tanan niyang agianan.+
22 Ang daotan mabitik sa kaugalingon niyang kasaypanan,Ug siya magapos sa kaugalingon niyang sala.+
23 Mamatay siya tungod sa kawalay-disiplinaUg masaag tungod sa iyang grabeng kabuangan.
Mga Footnote
^ Literal, “Ikiling ang imong dalunggan sa.”
^ Literal, “ngabil.”
^ O “moanig daotan.”
^ O “gahom.”
^ O “kongregasyon.”
