1. Diyos nga Jehova, day’gon ka namo,

Sa dako mong kaayo;

Matarong ang dalan mo.

Mahigugmaon ug gamhanan ka,

Diyos ka sa kahangtoran.

2. Diyos nga Jehova, maluluy-on ka.

Mga pag-ampo namo

Paminawon gyod nimo.

Oh Diyos, salamat sa imong giya,

Kanunayng gitagana.

3. Ang kalangitan ug kayutaan

Malipayong nagdayeg

Sa balaan mong ngalan.

Diyos nga Jehova, day’gon ka namo

Hangtod sa kahangtoran.