Among kuhaon, tipigan, ug gamiton ang imong personal nga impormasyon para lang sa katuyoan sa imong paghatag niini, ug among tipigan ang impormasyon sulod lang sa panahon nga gikinahanglan para sa maong katuyoan o sa uban pang lehitimong mga katuyoan. Niini nga mga situwasyon, kon dili nimo ihatag ang impormasyon nga among gipangayo, basin dili ka maka-access sa pipila ka bahin sa website o nalangkit nga mga app nga gi-provide sa Watchtower Bible and Tract Society of New York, Inc. o dili namo mahatag ang imong gihangyo.

Ang impormasyon diha sa hangyo o aplikasyon mahimong ma-access niadtong moproseso niini nga impormasyon para sa data processing ug/o niadtong technical support specialist nga dunay ginahimo nga konektado sa pag-operate ug pagmentinar sa technical system. Dili namo ihatag sa uban ang imong impormasyon gawas lang (1) kon gikinahanglan gyod aron mahatag ang imong gihangyo ug kon amo ning gipahibalo kanimo, (2) kon nagtuo gyod mi nga gikinahanglan ang maong impormasyon aron masunod ang balaod o regulasyon, (3) kon kini gihangyo sa awtoridad, o (4) kon gikinahanglan ni aron mahibaloan ug malikayan ang pagpanglimbong nga konektado sa seguridad o technical nga isyu. Sa imong paggamit niini nga website ug tanang nalangkit nga app, miuyon ka nga ihatag ang imong personal nga impormasyon sa mga third party para lang niini nga mga katuyoan. Ang bisan unsang personal nga impormasyon, sa bisan unsang kahimtang, dili ibaligya, ibaylo, o paabangan.

Ang kadaghanang bahin niini nga website ma-access bisag dili ka mag-register ingong user o maghatag ug bisan unsang impormasyon. Pero dunay mga bahin niini nga website nga magamit lang sa mga user nga naka-register, mga user nga nagpadalag request o aplikasyon, o mga user nga ang personal nga impormasyon gipadala sa kongregasyon sa mga Saksi ni Jehova gamit ang jw.org. Gamiton namo ang imong personal nga impormasyon depende sa imong pagtugot. Sa pipila ka kahimtang, kon dili na ka motugot, makagamit gihapon mi sa imong personal nga impormasyon kon naa miy legal nga basehanan.

Ang personal nga impormasyon nga imong gi-submit sa website gamiton lang sa katuyoan nga gisulti kanimo dihang imo kining gihatag. Apil sa katuyoan niini ang mosunod:

Account. Ang email address nga imong gihatag dihang naghimo kag account niini nga website mahimong gamiton sa pagkontak kanimo bahin sa imong account. Pananglitan, kon malimot ka sa imong username o password ug magpatabang ka sa pag-log in, padad-ag mensahe ang email nga imong gibutang sa imong profile.

Akong Profile nga Page: Human ka makahimog account, ang sekretaryo sa inyong kongregasyon mahimong mohatag nimog access sa Akong Profile nga feature. Kon gusto nimong modugang ug personal nga impormasyon sa imong Akong Profile nga page sa hub.pr2711.com, pangutan-on ka kon mouyon ba ka sa paggamit sa maong dugang nga impormasyon aron mailhan ka para sa posibleng dugang pribilehiyo sa pag-alagad ug aron makontak ka. Kon nagatabang ka sa usa ka proyekto ug modugang kag skill sa imong Akong Profile nga page, usa ka skills assessor ang mo-assess sa imong skill may kalabotan sa proyekto. Aron maproseso ang imong impormasyon, kini mahimo sab nga ipadala, kon gikinahanglan, sa ubang sangang buhatan sa mga Saksi ni Jehova, sa hedkuwarter sa mga Saksi ni Jehova, o ubang susamang organisasyon nga gigamit sa mga Saksi ni Jehova sa lainlaing nasod.

Aplikasyon. Kon mokuwalipikar ka sumala sa mga gituohan ug polisa sa mga Saksi ni Jehova, puwede kang maghimog user account ug magpasa ug aplikasyon niini nga website; puwede sab nga gamiton sa inyong kongregasyon kini nga website sa pagpasa sa imong aplikasyon. Ang matag aplikasyon magpaila sa katuyoan sa pagpasa niini, sama sa pag-apply alang sa dugang pribilehiyo sa pag-alagad, o paghangyo o pag-offer ug kasak-an panahon sa mga kombensiyon, asembliya, o ubang okasyon. Ang imong personal nga impormasyon diha sa aplikasyon mahimong maglakip ug personal nga impormasyon nga gi-submit nimo, sa lokal nga mga ansiyano, o sa tigdumala sa sirkito. Ang impormasyon nga gihatag gamiton lang sa pagproseso ug pagkonsiderar sa imong aplikasyon ug sa uban pang katuyoan nga konektado niini, nga naglakip sa paghimo sa imong profile ingong bahin sa proseso sa imong pag-apply. Kon gikinahanglan aron maproseso ang imong aplikasyon, ang impormasyon diha sa aplikasyon basin ipadala sab sa ubang sangang buhatan, sa tibuok kalibotang hedkuwarter sa mga Saksi ni Jehova, o sa ubang susamang organisasyon nga gigamit sa mga Saksi ni Jehova sa ubang nasod. Ang tanang aplikasyon usausahon pag-evaluate ug dili lang basta awtomatikong desisyonan.

Espesyal ug Internasyonal nga mga Kombensiyon. Kon kuwalipikado ka nga mo-apply sa Espesyal o Internasyonal nga Kombensiyon (“Kombensiyon”), puwede nimong magamit ni nga website sa pagpasa ug aplikasyon. Palihog tan-awa ang dugang impormasyon nga ma-apply sa tanang aplikasyon ubos sa subheading nga “Aplikasyon.”

Mga delegado. Ang personal nga impormasyon nga gamiton sa Kombensiyon maglakip sa imong contact information, petsa nga natawhan, group information, accommodation information, arrival ug departure information, ug ang bisan unsang impormasyon nga imong gipasa nga gikinahanglan sa Kombensiyon. Kon napili ka nga mahimong delegado sa Kombensiyon, ang imong personal nga impormasyon ihatag ug gamiton sa sangang buhatan sa mga Saksi ni Jehova nga nag-host sa Kombensiyon, apil niadtong mga nag-alagad sa komite sa kombensiyon ug hospitality committee ug nagtrabaho uban niini nga mga komite. Gamiton nila ang imong personal nga impormasyon para sa pagplano sa kombensiyon, pag-atiman sa imong pagbiyahe ug uban pang gikinahanglan sa pagbiyahe, ug sa pag-organisar sa mga event ug kalihokan nga konektado sa Kombensiyon. Ang imong personal nga impormasyon mahimo sab nga ihatag ngadto sa imong napili nga hotel, mga kompaniya nga konektado niini, ug sa mga third-party provider, para sa pagproseso sa imong mga reservation ug para sa ubang katuyoan nga gikinahanglan sa imong pag-estar sa hotel. Ang imong personal nga impormasyon mahimo sab nga ihatag ngadto sa mga third-party provider nga motaganag mga serbisyo nga konektado sa napili nimo nga mga kalihokan. Kon dili nimo gusto nga ihatag ang imong personal nga impormasyon o kaha mohangyo ka nga i-delete ni, lagmit dili na ka mokuwalipikar ingong delegado sa Kombensiyon. I-delete dayon namo ang imong personal nga impormasyon dihang dili na ni kinahanglanon.

Mga Espesyal nga Kampanya sa Pagsangyaw. Kon kuwalipikado ka nga mo-apply sa Espesyal nga Kampanya sa Pagsangyaw (“Kampanya”), puwede nimong magamit ni nga website sa pagpasa ug aplikasyon. Palihog tan-awa ang dugang impormasyon nga ma-apply sa tanang aplikasyon ubos sa subheading nga “Aplikasyon.” Kon napili ka nga makigbahin sa Kampanya, ang imong personal nga impormasyon ihatag ug gamiton sa sangang buhatan sa mga Saksi ni Jehova nga nag-host sa Kampanya. Ang personal nga impormasyon nga gamiton sa Kampanya maglakip sa imong contact information, group information, accommodation information, arrival ug departure information, kalarino sa pinulongan, ug ang bisan unsang impormasyon nga imong gipasa nga gikinahanglan sa Kampanya. Gamiton sa Special Preaching Campaign Committee sa host nga sangang buhatan ang imong personal nga impormasyon sa pag-organisar sa Kampanya, sa pag-asayn kanimo sa usa ka rehiyon, ug sa paghikay ug mga sak-anan. Ang region contact ug ang mga ansiyano sa host nga kongregasyon diin ka naasayn nga rehiyon maggamit sa imong personal nga impormasyon sa pag-organisar sa Kampanya sa maong rehiyon. Kon dili nimo gusto nga ihatag ang imong personal nga impormasyon o kaha mohangyo ka nga i-delete ni, lagmit dili na ka mokuwalipikar nga makigbahin sa Kampanya.

Mga Klase sa Pagbansay. Kon mokuwalipikar ka sa pagtabang sa mga proyekto, posible nga dapiton ka sa usa ka training class organizer sa pag-attend sa usa ka klase. Puwede nimong dawaton o balibaran ang usa ka imbitasyon sa dili pa magsugod ang klase. Kon modawat kag imbitasyon, ang mga trainer sa klase maghupot ug rekord sa imong pag-attend, magtino kon unsa nga objective ang imong nakab-ot sa pag-attend sa klase, ug mahimo silang mohatag ug mga komento. Ang mga organizer ug trainer sa mga klase makahimo sab sa pag-review ug pag-assess sa mga skill nga imong gidugang sa imong Akong Profile nga page sa hub.pr2711.com. Aron maproseso ang imong impormasyon, kini mahimo sab nga ipadala, kon gikinahanglan, sa ubang sangang buhatan sa mga Saksi ni Jehova, sa hedkuwarter sa mga Saksi ni Jehova, o ubang susamang organisasyon nga gigamit sa mga Saksi ni Jehova sa lainlaing nasod.

Donasyon. Kon mag-donate kag kuwarta online, among kuhaon ang imong ngalan ug ang impormasyon kon unsaon ka pagkontak. Aron makadawat mig donasyon pinaagig credit card, mogamit mig accredited nga mga online payment-processing service nga ang seguridad ug data-privacy policy pang-world class. Mahimong makadawat mig financial information, sama sa credit card number o financial account numbers nga gikinahanglan sa pagproseso sa imong donasyon, ug among ipadala ang importanteng mga impormasyon sa maong mga processing service. Para sa seguridad niini nga impormasyon, iproseso namo ang imong donasyon base sa Payment Card Industry Data Security Standard (“PCI DSS”). Ang modawat sa donasyon magtipig ug rekord sa mga donasyon kutob sa gikinahanglan sumala sa legitimate interest sa modawat sa donasyon o sumala sa bisan unsang ma-apply nga mga legal requirement. Apil niini nga rekord ang petsa sa pag-donate, pilay gi-donate, ug paagi sa pag-donate. Pinaagi niini, masunod namo ang accounting standards ug matubag namo ang imong mga pangutana sulod nianang panahona. Dili mi mokontak nimo aron mangayog dugang donasyon.

Hangyo nga Magpaduaw. Mahimo sab kang mohangyo nga duawon ug usa ka Saksi ni Jehova aron makakat-og dugang bahin sa Bibliya o sa mga Saksi ni Jehova. Among gamiton ang gihatag nimo nga impormasyon para lang sa imong gihangyo. Dihang makompirmar na nimo ang imong hangyo, ang imong impormasyon amo tingaling ipadala sa ubang sangang buhatan o organisasyon nga gigamit sa mga Saksi ni Jehova kon gikinahanglan aron mahatag ang imong gihangyo.

Ubang Katuyoan. Mahimo kang mohatag ug personal nga impormasyon (sama sa imong ngalan, postal address, ug numero sa telepono) para sa katuyoan nga dili konektado sa account, pag-submit ug aplikasyon, o paghatag ug donasyon. Sa matag kahimtang, klarohon namo ang rason kon nganong nangayo mig impormasyon. Dili namo gamiton ang imong impormasyon sa ubang katuyoan nga wala namo isulti kanimo dihang gihatag nimo kini.

Ang paggamit sa imong personal nga impormasyon sa JW Library gihisgotan sa page nga Kon Giunsa Paggamit sa JW Library ang Imong Impormasyon.

Sumala sa gihisgotan niana nga page, ang app mag-download ug impormasyon (data) gikan sa jw.org nga website. Ang website dunay access sa IP address sa usa ka user panahon sa maong mga pag-download. Ang impormasyon nga nakuha sa website gamiton sa pag-provide sa app services, sa pagpanindot sa app services, ug sa pagmentinar sa seguridad. Ang espesipikong mga gamit niini mao ang mosunod: pag-enable sa user sa pag-access ug pag-run sa app, pag-manage sa operation ug optimization sa app, pagsumpo ug pag-detect ug pagpangilad ug malicious software, ug pag-manage ug mga security incident.

Kini nga relihiyosong organisasyon naglihok sa tibuok kalibotan gamit ang lainlaing grupo niini. Ang ubang server sa website ug ubang nalangkit nga mga app naa sa United States of America. Mahimong ipadala namo ang imong impormasyon sa gawas sa inyong nasod, ug lagmit apil ngadto sa mga nasod nga lahig lebel sa pagprotektar ug impormasyon kon itandi sa nasod nga imong gipuy-an. Sa among pagpadala sa imong personal nga impormasyon, naa miy sundon nga mga pamaagi aron maprotektahan ni. Gidahom namo nga ang tanang organisasyon nga gigamit ug nagsuportar sa buluhaton sa mga Saksi ni Jehova mosunod sa among mga polisa sa pagprotektar ug impormasyon ug sa mga balaod ug regulasyon bahin sa personal nga impormasyon.

Pinaagi sa imong pag-abli niini nga website ug pagpakigkomunikar kanamo online, miuyon ka nga puwedeng ipadala ang imong impormasyon ngadto sa laing nasod. Sa daghang kahimtang, mogamit sab mig mga kasabotan alang sa maong mga transfer, sama sa standard contractual clauses.

Sa among pagproseso ug personal nga impormasyon, among seguroon nga ang imong personal nga impormasyon sakto ug up-to-date para sa katuyoan nga kini gikuha. Depende sa nasod nga imong gipuy-an ug sa mga balaod niini sa pagprotektar ug impormasyon, ang mosunod mao ang posible nimong mga katungod bahin sa personal nga impormasyon nga imong gihatag kanamo:

• Makahangyo kag impormasyon bahin sa pagkuha ug paggamit sa imong personal nga impormasyon sumala sa mga balaod sa inyong lugar.

• Makahangyo ka nga i-access, i-block, o i-delete ang imong personal nga impormasyon, o bag-ohon kini kon kulang o sayop.

• Kon dunay lehitimong mga rason, mahimo kang mobabag sa pagproseso sa imong personal nga impormasyon ug mohangyo kanamo nga dili na iproseso ang imong impormasyon.

Kon dunay balaod sa pagprotektar ug impormasyon sa nasod nga imong gipuy-an ug gusto nimong i-access, bag-ohon, o i-delete ang imong personal nga impormasyon, makita nimo ang contact information sa Data Protection Contacts page.

Dihang madawat namo ang imong gisulat nga hangyo, ug nakahatag kag igong pamatuod kon kinsa ka ug nakahatag sab kag igong impormasyon nga magtugot namo nga makita ang imong personal nga impormasyon, susihog maayo sa data controller kon ihatag ba ang imong gihangyo. Iyang timbangtimbangon ang interes sa usa ka tawo sa pag-access o pagbag-o o pag-delete sa impormasyon ug ang lehitimong interes sa organisasyon, sama pananglitan kon mameligro ba ang katungod sa organisasyon maylabot sa kagawasan sa relihiyon ug sa mga buluhaton niini. Pahibaloon sab namo ang mga third party bahin sa mga kausaban.

Palihog matikdi nga ang imong impormasyon dili i-delete kon ang pagproseso niana gitakda sa balaod o kon ang pagtipig sa impormasyon dunay legal nga basehanan. Pananglitan, tipigan sa relihiyosong organisasyon ang mga impormasyon bahin sa status sa usa ka tawo ingong Saksi ni Jehova. Ang pag-delete niana nga impormasyon maglapas sa relihiyosong pagtuo ug buluhaton sa organisasyon. Kon dunay mohangyo nga i-delete ang iyang personal nga impormasyon, konsiderahon namo ang bisan unsang legal reporting o document retention requirements nga kinahanglan namong sundon. Bahin sa pagproseso sa impormasyon nga imong gihatag pinaagi niini nga website, puwede kang mopasakag reklamo sa lokal nga awtoridad nga nagdumala sa pagprotektar ug impormasyon.