“See the Good Land” a masou ren map are Bible atlas ka tongeni néúnéú le alóllóólaaló óm káéén Paipel. Ewe Paipel a fós usun chómmóng pwóróusen leeni, telinimw, me fénú. Óm néúnéú ei Bible atlas a tongeni amwasangasangok lón óm álleaan me káéén Paipel. “See the Good Land” epwe álisuk le kachitoni me silei ekkewe leeni ia a fis ie ekkewe pwóróus Paipel a fós usun. Epwe pwal álisuk le weweiti ifa usun fisin ekkóch pwóróus lón Paipel a lóngólóng wóón nónnómun me napanapen ekkewe fénú.

“See the Good Land” a masou ren sókkopat anúwen map me chart fán iten sókkopaten leeni lón fansoun lóóm lóóm. Ei Bible atlas a pwal masou ren diagram, met mi ffér ren álillisin computer, me pwal chómmóng mettóch epwe álisuk lón óm káéén Paipel.

Ei Bible atlas epwe álisuk le

• weweiti án Apraham, Isaak, me Jakop sái

• silei ia ekkewe chón Israel ra pwer ia atun ra towu seni Isip me ló ngeni ewe Fénúen Pwon

• alélléfengeni leenien ekkewe chón Israel me ekkewe chón oputer

• kúna ekkewe leeni ia Jesus a féri an angangen afalafal ie

• weweiti úkúkún ekkewe fénú ekkewe nemenem mi péchékkúl ra nemenem wóór Paipel a fósur, kapachelong Papilon, Kriis, me Rom

Ka tongeni kúna online ei Bible atlas lón fósun Merika mi chék free me lón Watchtower ONLINE LIBRARY.