KAPAS EIS 7
Met Paipel A Osuni Ussun Ach Ei Fansoun?
“Fénú me fénú repwe maunfengen lefiler, me mwú epwe ú ngeni mwú . . . Ekkeei mettóch, ra pwáári pwe a poputá ewe riáfféú.”
“Chómmóng soufós chofona repwe útá me otupwaaló chómmóng, me pokiten lallapólóón féfféringaw, lape ngeni aramas epwe patapateló ar tong.”
“Lupwen oupwe rong akúrangen maun me pwóróusen maun ousap niwokkus. Ekkeei mettóch repwe fókkun fis, nge esap mwo tori ewe sópwólóón.”
“Epwe wor watteen chechchechin fénú, me epwe wor nafangawen mwéngé me málapalap ekis meinisin, me aramas repwe kúna mettóch epwe eniwokkusur me esissil mi lap seni láng.”
“Fansoun mi áweires me efeiengaw repwe war lón ekkewe ránin lesópwólóón. Pún aramas repwe tongei pwisin iir, tongei moni, sikesik, tipetekia, turunufas, álleasolapa sam me in, resap sile kilisou, resap túppwél, esap wor ar tong, repwe tipeférea, repwe chón pweni, resap tongeni nemeni pwisin mocheniir, repwe mwacho, repwe oput minne mi múrinné, repwe chón afangemá, úneférea, lamalamtekia, repwe aúcheani pwapwaan pwisin letiper nge resap tongei Kot, repwe pwomweni pwe iir chón fel ngeni Kot, nge resap pwáári lón manawer.”
