LESEN 03
Ka Tongeni Lúkú ewe Paipel?
A chómmóng án Paipel kewe pwon me kapasen emmwen. Eli ka mochen silei áitien Paipel kewe, nge eli ka pwal tipemwaramwar. Ka tongeni lúkú ekkewe pwon me kapasen emmwen seni ena esin puk minen lóóm? Ka tongeni wesewesen lúkú minne ewe Paipel a apasa usun ach eáni eú manaw mi pwapwa iei, me lón mwachkkan? Chómmóng aramas ra lúkú. Iwe, aua mochen óm kopwe pwal pwisin etittina.
1. Ekkewe pwóróus lón Paipel iir wesewesan are túttúlap úchék?
Paipel a pwisin apasa pwe “a let o pwüng” minne a mak lón. (Än Salomon Afalafal 12:10) A apwóróusa met mi wesewesen fis ngeni pwúkúpwúkún aramas. (Álleani Lukas 1:3; 3:1, 2.) Chómmóng souuruwo me soukáéén pisekin chón lóóm, ra apwúngaló pwúngún ekkóch mettóch mi lamot, áwewe chék ren ineet, ié, ia, me ekkewe pwóróus ra fis mi mak lón Paipel.
2. Pwata sia tongeni erá pwe a alúkúlúk masouen ewe Paipel inaamwo ika a minen lóóm?
Fán chómmóng ewe Paipel a fós usun chómmóng mettóch aramas resaamwo silei usun lón ewe atun a mak. Áwewe chék, a fós usun pekin science. Chómmóng aramas rese lúkú minne Paipel a apasa usun pekin science lón ena atun. Iwe nge pekin science lón ei fansoun, ra apwúngaló pwe mi pwúng minne Paipel a fen apasa. Masouan “ra nonomopos tori feilfeilachök.”—Kölfel 111:8.
3. Pwata sipwe lúkú minne Paipel a apasa usun mwachkkan?
A masou ewe Paipel ren ekkewe oesini usun ekkewe “mettoch resamwo fis.” (Aisea 46:10) A pwúng oesinian wóón chómmóng mettóch fite fite ier me mwen ar resaamwo fis. A pwal tichikin áweweei nónnómun ach ei fénúfan lón ei fansoun. Lón ei lesen, sipwe etittina ekkóch án Paipel kewe oesini. A mmen amwarar pwúngúúr!
KÚTTAFICHI
Etittina ifa usun pekin science lón ei fansoun a tipeeú ngeni ewe Paipel, me káé ekkóch án Paipel keei oesini mi amwarar.
4. Pekin science a tipeeú ngeni ewe Paipel
Me lóóm, lape ngeni aramas ra lúkú pwe ei fénúfan a lóngetá wóón mettóch. Fichi ei VIDEO.
Nengeni met ei a mak lón ei puken Hiop ina epwe 3,500 ier a ló. Álleani Hiop 26:7, me mwirin pwóróusfengen wóón ei kapas eis:
-
Pwata a amwarar án Paipel erá pwe ei fénúfan a emeitiwetá “won eu leni mi pön”?
Aramas ra kerán weweiti angangen rokopwálin konik rúúepúkú ier a ló. Nge nengeni met ewe Paipel a fen apasa fitengeréú ier a ló. Álleani Hiop 36:27, 28, me mwirin pwóróusfengen wóón ekkeei kapas eis:
-
Pwata ka mwaar ren áweween angangen rokopwálin konik?
-
Ekkena wokisin ka kerán álleaniir ra apéchékkúla óm lúkúlúk lón minne ewe Paipel a apasa?
5. Ewe Paipel a oesini ekkewe mettóch mi lamot repwe fis
Álleani Aisea 44:27–45:2, me mwirin pwóróusfengen wóón ei kapas eis:
-
Ikkefa án Paipel kewe oesini mi tichik 200 ier me mwen talóón Papilon?
Pwóróusen uruwo ra apwúngaló pwe King Sirus seni Persia me an we mwichen soufiu ra okkufu Papilon 539 ier mwen Kraist. Ra erikaló ewe chénúpupu mi túmúnú ena telinimw. Mwirin ar tolong lón ena telinimw me lón asaman kewe mi chék suukuló ra liapenaaló, nge chón ena telinimw rese maun ngeniir. Lón ei fansoun, Papilon a wiliti ioien mettóch mi taló lap seni 2,500 ier mwirin. Iei met Paipel a oesini.
Álleani Aisea 13:19, 20, me mwirin pwóróusfengen wóón ei kapas eis:
-
Ifa usun ena oesini a pwénútá?
Lerásin Papilon lón Iraq lón ei fansoun
6. Ewe Paipel a oesini usun ekkewe mettóch sia kúna pwe ra fis lón ei fansoun
Ewe Paipel a erenikich pwe sia nónnóm lón ekkeei “ränin lesopolan.” (2 Timoty 3:1) Iei met ewe Paipel a oesini usun ekkeei ránin lesópwólóón.
Álleani Mateus 24:6, 7, me mwirin pwóróusfengen wóón ei kapas eis:
-
Ikkefa ekkewe mettóch Paipel a áweweei pwe repwe fis lón ekkeei ránin lesópwólóón?
Álleani 2 Timoty 3:1-5, me mwirin pwóróusfengen wóón ekkeei kapas eis:
-
Ifa usun ewe Paipel a áweweei napanapen chómmóng aramas lón ekkeei ránin lesópwólóón?
-
Menni lein ekkena napanap ka kúna an a fiffis?
EKKÓCH RA ERÁ: “Ewe Paipel eú chék puken túttúlap.”
-
Met a ákkáeúin ánneta ngonuk pwe ewe Paipel ina eú puk mi alúkúlúk?
MENLAPAN
Pwóróusen uruwo, pekin science, me oesini ra pwári pwe ka tongeni lúkú ewe Paipel.
Enniwili
-
Ekkewe pwóróus lón Paipel iir wesewesan are túttúlap úchék?
-
Ikkefa ekkóch mettóch science a tipeeú ngeni Paipel wóón?
-
En mi lúkú pwe Paipel a fen oesini minne epwe fis lón mwachkkan? Pwata ka erá ena?
PWAL EKKÓCH PWÓRÓUS
Mi wor pwóróus ese pwúng lón pekin science mi mak lón Paipel?
Ikkefa ekkewe pwóróus usun “ekewe ränin lesopolan”?
“6 Än Paipel Oesini Ka Kükküna Pwönütäär Iei” (Ewe Leenien Mas, June 1, 2011)
Katol ifa usun án Paipel kewe oesini usun ewe Mwúún Kriis a pwénútá.
Álleani ifa usun án Paipel kewe oesini a ekkesiwili án emén mwán ekiek usun ewe Paipel.
