‏«خۆزگە دەخوازرێ بەوانەی کە گوێ لە وشەی خودا دەگرن و دەیپارێزن.‏»—‏لۆقا ١١:‏٢٨‏.‏

دۆزینەوەی خۆشەویستی ڕاستەقینە.‏—‏ئەفسۆس ٥:‏٢٨،‏ ٢٩‏.‏

چێژ وەرگرن لە ڕێز لێنانێک کە لە قوڵایی دڵەوە بێ.‏—‏ئەفسۆس ٥:‏٣٣‏.‏

ھەبوونی ئاساییشێکی ڕاست.‏—‏مەرقۆس ١٠:‏٦-‏٩‏.‏

بەڵێ،‏ بە لانی کەم لەبەر دوو ھۆکار:‏

• خودا دامەزرێنەری ژیانی خێزانییە.‏ پەرتووکی پیرۆز دەفەرمووێ کە یەھوە خودا یەکەم ژن‌و مێردایەتی مرۆڤی دامەزراند.‏ (‏پەیدابوون ٢:‏١٨-‏٢٤‏)‏ بە واتایەکی‌تر،‏ بنەمای خێزان سەری‌ھەڵدا،‏ چونکە یەھوە ئەمەێ دروست کرد.‏ ئایا بۆچی ئەوە زۆر گرنگە؟‏

  سەرنج بدە:‏ گەر تۆ چێشتێکی خۆش‌و بەتامت خواردبێ‌و بتھەوێ بزانی ئەو خواردنە لەچی دروستکراوە،‏ پرسیار لە کێ دەکەی؟‏ شتێکی ئاساییە لەو کەسە پرسیار دەکەی کە خواردنەکەی دروست کردووە.‏

  ھەر بە ھەمان شێوە،‏ بۆ زانینی ھۆکارەکانی بەختەوەری ژیانی خیزان،‏ کارێکی جوان دەکەین گەر ھانا بۆ یەھوە ببەین،‏ ئەو کەسەی کە ژیانی خێزانی دامەزراند.‏

• خودا بایەخ بە تۆ دەدا.‏ کاری ژیرانە ئەوەیە کە خێزانەکان بەدوای ئامۆژگارییەکانی یەھوەدا بگەڕێن،‏ ئەو ئامۆژگارییانەی کە لە ڕێگای وشەکەیەوە داوییەتیە دەستەوە.‏ بۆچی ژیرانەیە؟‏ «چونکە ئەو بایەختان پێ دەدات.‏» (‏١ پەترۆس ٥:‏٦،‏ ٧‏)‏ یەھوە ھەمیشە لە دڵییەوە باشترین شتی بۆ تۆ دەوێ و ڕێنماییەکانی ھەمیشە بە کەڵکن!‏—‏پەندەکان ٣:‏٥،‏ ٦؛‏ ئیشایا ٤٨:‏١٧،‏ ١٨‏.‏