Izai 13:1-22
13 En mesaz kont Babilonn ki Izai garson Amoz ti gannyen dan en vizyon:
2 “Met en lansenny* lo en montanny ki annan zis ros.
Kriy zot, lev lanmen avek zot,Pour zot kapab antre dan larantre bann dimoun enportan.
3 Mon’n donn lord bann dimoun ki mon’n swazir.*
Mon’n rasanble mon bann gerye pour zot montre ki mon ankoler,Zot dan lazwa e zot fyer.
4 Ekoute! I annan en lafoul dimoun dan bann montanny.
I paret ki i annan en kantite dimoun!
Ekoute! Bann rwayonm pe fer tapaz,Sa i bann nasyon ki’n rasanble ansanm!
Zeova Sef larme pe rasanble en larme pour lager.
5 Zot pe vini e zot sorti dan en pei byen lwen,Dan bout lesyel,Zeova ek bann zarm ki i pou servi akoz i ankoler,Pour detri later antye.
6 Plere, parski zour Zeova i pros!
Sa zour, sa Enn Tou Pwisan pou detri tou keksoz.
7 I pour sa rezon ki lebra tou dimoun pou tonbeE tou dimoun pou per.*
8 Bann dimoun pe panik.
Zot pe tranble e zot dan doulerParey en madanm ki pe ganny pti baba.
Zot get kanmarad dan sok,Zot figir i montre ki zot pe soufer.
9 Gete! Zour Zeova pe vini,Sa zour i kriyel avek firer ek gran lakoler.
I pou fer bann dimoun soke ler zot vwar ki’n arive avek sa peiE i pou detri tou dimoun ki fer pese dan sa pei.
10 Parski bann zetwal dan lesyel ek zot bann group zetwal*Pa pou alimen.
Soley pou sonm ler i leveE lalin pa pou klere.
11 Mon pou fer later* rann kont pour bann move keksoz ki i’n ferE mon pou fer bann move dimoun rann kont pour zot fot.
Mon pou fer bann dimoun arogan aret fyerE mon pou abes bann diktater ki arogan.
12 Mon pou fer bann dimoun* vin pli rar ki lor pirE mon pou fer bann dimoun vin pli rar ki lor sorti Ofir.
13 I pour sa rezon ki mon pou fer lesyel tranble.
Mon pou sekwe later e fer li sorti dan son plas.
Zeova Sef larme pou fer sa avek lakoler, zour son lakoler.
14 Parey en gazel ki pe ganny sase e parey en troupo ki napa personn pou rasanble li,Sak dimoun pou retourn kot son pep.
Sak dimoun pou sove e al dan son prop pei.
15 Sa ki ganny trouve pou ganny pikeE sa ki ganny tyonbo pou ganny touye avek lepe.
16 Zot bann zanfan pou ganny kraze devan zot,Zot pou vol bann keksoz dan zot lakazE zot bann madanm pou ganny vyole.
17 Mon pe fer bann Med atak zot.
Larzan pa nanryen pour zotE zot pa enterese avek lor.
18 Zot bann lark* pou kas bann zonm an morso.
Zot pou napa pitye pour bann zanfan.*
Wi, zot pou napa pitye pour bann zanfan.
19 Babilonn, sa rwayonm ki annan plis laglwar* parmi bann rwayonm,I zoli e sa i fer bann Kaldeen fyer.
I pou vin parey Sodonm ek Gomor ler Bondye ti detri zot.
20 Personn pa pou reste laba ankor,Personn pa pou kapab reste laba, zenerasyon apre zenerasyon.
I pou napa okenn Arab ki pou mont son latant labaE i pou napa okenn berze ki pou fer son troupo repoz laba.
21 Bann zannimo ki reste dan dezer pou dormi laba.
Zot bann lakaz pou ranpli avek bann ibou.*
Bann lotris* pou reste labaE bann kabri maron* pou sot sote laba.
22 Bann zannimo ki irle pou kriye dan son bann latourE bann sakal* pou kriye dan son bann zoli pale.
Son letan i pros pour arive e son bann zour pa pou tarde.”
Bann not
^ Oubyen “en poto sinyal.”
^ Literalman, “bann ki mon’n sanktifye.”
^ Oubyen “leker tou dimoun pou fonn avek lafreyer.”
^ Literalman, “ek zot bann Kesil.” Petet sa pe refer avek Orion ek bann group zetwal otour li.
^ Oubyen “later kot i annan dimoun.”
^ Oubyen “en zonm ki kapab mor.”
^ Vwar Leksplikasyon bann mo.
^ Literalman, “fri vant.”
^ Oubyen “sa rwayonm ki ganny dekore.”
^ Eagle owl an Angle.
^ Sa i en gro zwazo ki pa kapab anvole. Ostrich an Angle.
^ Oubyen posibleman, “E bann demon ki parey kabri.”
^ Sa i en kalite lisyen maron. Jackal an Angle.
