Izai 17:1-14
17 En mesaz kont Damas:
“Gete! Damas pou nepli egziste konman en lavilE i pou vin en ta debri.
2 Bann lavil Aroer pou ganny abandonnen.
Zot pou vin bann landrwa kot bann troupo i alonzeE personn pa pou fer zot per.
3 I pou nepli annan bann lavil ki ganny proteze avek bann gro miray dan EfraimE i pou nepli annan en rwayonm dan Damas.
Larestan dimoun ki reste SiriPou parey laglwar bann Izraelit.”* La sa ki Zeova Sef larme in dir.
4 “Sa zour, laglwar Zakob pou diminyenE i pa pou an bonn sante,* i pou megri.
5 I pou parey ler sa dimoun ki rekolte i anmas dibleE ler i anmas bann zepi,Parey ler en dimoun i anmas bann zepi dan Vale Refaim.
6 Zis sa ki’n ganny kit deryer apre rekolt ki pou reste,Parey ler zot sakouy* en pye zoliv:
Zis de zoliv mir oubyen trwa zoliv mir ki reste lo sa brans ki pli o,Zis kat zoliv oubyen senk zoliv ki reste lo son bann brans ki raport fri.” La sa ki Zeova Bondye Izrael in dir.
7 Sa zour, en dimoun pou rod led avek sa Enn ki’n fer li e i pou annan lespwar dan sa Enn ki Sen Izrael.
8 I pa pou get bann lotel, sa bann lotel ki i’n fer. I pa pou get bann keksoz ki i’n fer, ni menm bann poto sakre* oubyen bann lotel pour lansan.
9 Sa zour, son bann lavil ki annan bann landrwa proteksyon pou vin parey en landrwa abandonnen dan lafore,Parey en brans ki’n ganny abandonnen devan bann Izraelit.
I pou vin en dezer.
10 Parski ou’n oubliy sa Bondye ki sov ou.
Ou’n oubliy sa Ros ki ou landrwa proteksyon.
Sanmenm sa ou annan bann zoli plantasyonE ou met bourzon en etranze* parmi sa bann plantasyon.
11 Dan lazournen, ou fer sir ki ou met baraz otour ou plantasyon,Dan bomaten, ou fer ou lagrenn bourzonnen,Me ou pou perdi ou rekolt ler ou byen malad e ler ou dan en douler ki pa pase.
12 Ekoute! I annan en kantite dimoun ki pe fer tapaz,Zot pe fer tapaz parey ler lanmer i move!
Bann nasyon pe fer tapaz,Zot pe fer tapaz parey bann gro laroul i fer tapaz!
13 Bann nasyon pou fer tapaz parey en kantite delo i fer tapaz.
I pou koriz zot, zot pou taye e al byen lwen.
Zot pou sove parey lapay dible lo montanny ler divan i soufle,Parey en touf pikan ki pe roule dan en tanpet divan.
14 Aswar, tou bann dimoun i per.
Avan lizour i fer, zot nepli la.
Sanmenm sa ki pou arive avek bann dimoun ki vin pran nou bann keksozE sanmenm sa ki pou arive avek bann dimoun ki vin vol nou bann keksoz.
Bann not
^ Literalman, “bann garson Izrael.”
^ Literalman, “lagres lo son laser.”
^ Oubyen “rekolte zoliv lo.” Literalman, “bat.”
^ Vwar Leksplikasyon bann mo.
^ Oubyen “en bondye etranze.”
