Izai 18:1-7
-
Mesaz kont Etyopi (1-7)
18 Maler pour sa pei ki annan bann zensek ki fer tapaz avek zot lezelDan rezyon bann larivyer Etyopi!
2 I anvoy bann mesaze lo lanmer,I fer zot travers lanmer dan bann bato ki’n ganny fer avek papiris* e i dir zot:
“Zot sa bann mesaze ki vit, ale,Al kot en nasyon ki son bann dimoun i gran e ki zot lapo i listre,*Kot en pep ki bann dimoun partou i per zot,Kot en nasyon ki for e ki ganny laviktwar lo lezot nasyon,En pei ki bann larivyer i balye son bann later.”
3 Tou bann zabitan sa pei ek bann dimoun ki reste lo later,Zot pou vwar en keksoz ki parey en lansenny* ki’n ganny mete lo bann montannyE zot pou tann en son ki parey ler zot soufle tronpet.*
4 La sa ki Zeova ti dir mwan:
“Mon pou reste trankil e mon pou get mon landrwa reste,*Parey lasaler ki sorti dan lalimyer soley,Parey laroze ler i annan lasaler dan sezon rekolt.
5 Parski avan sezon rekolt,Ler bann pye rezen in fini fleri e zot bann fler i vin en grap rezen mir,Bann pti brans pou ganny koupe avek bann gran kouto*E bann pti lalyann pou ganny koupe e zot pou ganny tire.
6 Zot tou zot pou ganny kite pour bann zwazo* ki dan bann montannyE pour bann zannimo sovaz lo later.
Bann zwazo* pou pas sezon lete pe manz zotE tou bann zannimo sovaz lo later pou pas sezon rekolt pe manz zot.
7 Dan sa letan, en kado pou ganny anmennen kot Zeova Sef larmeE sa kado i sorti kot en nasyon ki son bann dimoun i gran e ki zot lapo i listre,*Kot en pep ki bann dimoun partou i per zot,Kot en nasyon ki for e ki ganny laviktwar lo lezot nasyon,En pei ki bann larivyer i balye son bann laterE zot pou anmenn sa kado lo Montanny Siyon, sa landrwa ki port non Zeova Sef larme.”
Bann not
^ Vwar Leksplikasyon bann mo.
^ Literalman, “en nasyon ki’n ganny tire e ki’n ganny byen frote.”
^ Oubyen “en poto sinyal.”
^ Literalman, “korn.” Vwar Leksplikasyon bann mo.
^ Oubyen posibleman, “e mon pou kot mon landrwa reste e mon pou gete.”
^ Oubyen “sizay.”
^ Oubyen “zwazo rapas.”
^ Oubyen “zwazo rapas.”
^ Literalman, “en nasyon ki’n ganny tire e ki’n ganny byen frote.”
