Izai 2:1-22
2 La sa ki Izai garson Amoz ti vwar konsernan Zida ek Zerizalenm:
2 Dan bann dernyen zour,Montanny kot lakaz Zeova i etePou ganny byen etabli par lao bann montanny,I pou vin pli o ki bann pti montannyE tou bann nasyon pou al rasanble laba.
3 En kantite dimoun pou ale e dir:
“Vini, annou mont lo montanny Zeova,Kot lakaz Bondye Zakob i ete.
I pou montre nou son semen*E nou pou mars lo son santye.”
Parski lalwa* pou sorti SiyonE parol Zeova pou sorti Zerizalenm.
4 I pou ziz bann nasyonE i pou met lord avek* bann pep.
Zot pou fer zot lepe vin bann pyosE zot pou fer zot lans vin bann gran kouto.*
Nasyon pa pou lager avek lezot nasyonE zot pou nepli aprann lager.
5 Bann desandans* Zakob, vini,Annou mars dan lalimyer Zeova.
6 Ou’n abandonn ou pep, desandans Zakob,Parski zot annan en kantite keksoz ki sorti dan Les.
Zot fer mazik parey bann FilistenE i annan en kantite zanfan bann etranze kot zot.
7 Zot pei i ranpli avek larzan* ek lorE zot annan tro bokou trezor.
Zot pei i ranpli avek sevalE zot annan tro bokou saret.
8 Zot pei i ranpli avek bann bondye ki pa vo nanryen.
Zot azenou devan zot bann zidol,Devan sa ki zot in fer zot menm.
9 Alor zonm i azenou, i ganny imilyeE ou pa kapab pardonn zot.
10 Al dan ros e kasyet dan lapousyerParski zot per ZeovaEk son laglwar merveye.
11 En dimoun ki arogan pou ganny imilyeE bann dimoun ki arogan pou azenou.*
Sa zour, zis Zeova ki pou ganny loue.
12 Parski sa zour i pour Zeova Sef larme.
Sa zour pe vin lo tou dimoun ki arogan e orgeye,Lo tou dimoun, ki swa zot enportan oubyen zot pa enportan,
13 Lo tou bann gran pye sed Liban ki oE lo tou bann pye senn* dan Basann,
14 Lo tou bann gran montannyE lo tou bann pti montanny,
15 Lo tou bann latour ki o e lo tou bann gro miray,
16 Lo tou bann bato TarsisE lo tou bann zoli bato.
17 En dimoun ki arogan pou ganny imilyeE bann dimoun ki arogan pou azenou.*
Sa zour, zis Zeova ki pou ganny loue.
18 Bann bondye ki pa vo nanryen pou disparet konpletman.
19 Bann dimoun pou antre dan bann kavern rosE dan bann trou dan later,Parski zot per ZeovaEk son laglwar merveye,Ler i leve pour fer later per e tranble.
20 Sa zour, bann dimoun pou pran zot bann bondye ki pa vo nanryen ki’n ganny fer avek larzan* ek lor,Ki zot in fer pour zot azenou devan sa bann bondyeE zot pou zet zot kot bann souri* ek bann sousouri,
21 Pour zot kapab antre dan bann trou rosE dan bann kavern ros,Parski zot per ZeovaEk son laglwar merveye,Ler i leve pour fer later per e tranble.
22 Aret annan konfyans dan dimoun e sa i pou zot prop dibyen.
I bezwen respire pour li reste vivan.*
Akoz zot bezwen depan lo li?
Bann not
^ Oubyen “ansenny nou konsernan son fason fer.”
^ Oubyen “lenstriksyon.”
^ Oubyen “i pou koriz.”
^ Oubyen “sizay.”
^ Literalman, “Lakaz.”
^ Larzan, sa metal.
^ Oubyen “ganny abese.”
^ Oak an Angle.
^ Oubyen “ganny abese.”
^ Larzan, sa metal.
^ Shrewmice an Angle.
^ Oubyen “Son souf lavi i dan son nennen.”
