Izai 27:1-13
27 Sa zour, Zeova pou servi son gran lepe ki for e pwisanE i pou touy Levyatan,* sa serpan ki ranpe,Sa serpan ki vir vire.
I pou touy sa bebet ki dan lanmer.
2 Sa zour, sant pour li:*
“En plantasyon rezen ki donn diven ki’n kimen!
3 Mwan, Zeova, mon pe protez li.
Mon toultan aroz li.
Mon protez li lizour ek aswar,Pour ki personn pa fer li ditor.
4 Mon nepli ankoler avek li.
Lekel ki pou servi bann touf pikan ek bann move zerb pour lager avek mwan?
Mon pou pil pil lo zot e bril zot tou.
5 Si non, les li tyonbo mon landrwa proteksyon byen for.
Les li fer lape avek mwan.
Wi, les li fer lape avek mwan.”
6 Dan bann zour ki pe vini, Zakob pou ganny rasin,Izrael pou fleri e bourzonnen.
Zot pou ranpli sa pei avek zot fri.
7 Eski i devret ganny bate avek sa enn ki pe bat li?
Oubyen, eski i devret ganny touye parey sa bann dimoun ki i’n touye?
8 Ou pou kriye ler ou pou lager avek li pour fer li ale.
Sa zour ler divan ki sorti dan les i soufle, ou pou fer li ale avek en divan byen for.
9 Koumsanmenm ki Zakob pou ganny pardonnen son fotE la sa ki pou arive ler son pese i ganny pardonnen:
I pou fer tou bann ros sa lotelVin parey bann bout lakre* ki’n ganny krazeE i pou nepli annan bann poto sakre* oubyen bann lotel pour lansan.
10 Parski sa lavil ki ganny proteze avek bann gro miray pou ganny abandonnen.
Bann laplenn zerb pou ganny abandonnen parey en dezer.
Sa pti bef pou manze e alonz labaE i pou manz son bann brans.
11 Ler son bann brans i sek,Bann madanm pou vini e kas son bann bransPour alim dife.
Parski sa pep pa konpran nanryen.
Sanmenm sa, sa Enn ki’n fer zot pa pou pran pitye pour zotE sa Enn ki’n fer zot pa pou annan konpasyon pour zot.
12 Pep Izrael, sa zour, Zeova pou fer tonbe bann fri depi kot Larivyer* ziska kot Larivyer* Lezip e zot pou ganny anmase enn par enn.
13 Sa zour, en gran tronpet* pou ganny soufle. Bann dimoun ki pe mor Asiri ek bann dimoun ki’n ganny disperse dan pei Lezip pou vini e zot pou azenou devan Zeova lo montanny sen ki Zerizalenm.
Bann not
^ Vwar Leksplikasyon bann mo.
^ Aparaman, sa pe refer avek Izrael. La i ganny konpare avek en madanm e i parey en plantasyon rezen.
^ Chalkstones an Angle.
^ Vwar Leksplikasyon bann mo.
^ Setadir, Larivyer Efrat.
^ Oubyen “Wadi.” Vwar Leksplikasyon bann mo.
^ Literalman, “korn.” Vwar Leksplikasyon bann mo.
