Psonm 145:1-21
En sanson David pour loue Bondye.
א [Aleph]
145 O mon Bondye, mon Lerwa, mon pou glorifye ou,Mon pou loue ou non pour touzour e touzour.
ב [Beth]
2 Tou dilon lazournen mon pou loue ou.Mon pou loue ou non pour touzour e touzour.
ג [Gimel]
3 Zeova i gran e i merit ganny loue.Personn pa kapab konpran son grander.
ד [Daleth]
4 Zenerasyon apre zenerasyon, zot pou loue sa ki ou’n fer.Zot pou koz lo ou bann aksyon pwisan.
ה [He]
5 Zot pou koz lo ou laglwar ek pouvwar ekstraordinerE mon pou medit lo bann keksoz merveye ki ou’n fer.
ו [Waw]
6 Zot pou koz lo bann keksoz enpresyonan ki ou’n fer*E mon pou koz lo ou grander.
ז [Zayin]
7 Zot pou kontinyen koz lo ou ler zot mazin ou gran labonteE zot pou kriy avek lazwa akoz ou ladrwatir.
ח [Heth]
8 Zeova i annan konpasyon* ek pitye,I pa ankoler vitman e i annan en kantite lanmour fidel.
ט [Teth]
9 Zeova i bon avek tou dimounE i demontre konpasyon* dan tou sa ki i fer.
י [Yod]
10 O Zeova, tou sa ki ou’n fer pou glorifye ouE bann ki fidel avek ou pou loue ou.
כ [Kaph]
11 Zot pou anons laglwar ou rwayonmE koz lo ou pwisans,
ל [Lamed]
12 Pour fer dimoun konn ou bann aksyon pwisan,Laglwar ek labote ou rwayonm.
מ [Mem]
13 Ou rwayonm pou dire pour touzourE ou pou dirize zenerasyon apre zenerasyon.
ס [Samekh]
14 Zeova i soutenir tou dimoun ki pe tonbeE i lev tou bann ki kourbe.
ע [Ayin]
15 Tou dimoun i get ou avek lespwar.Ou donn zot zot manze dan sa bon moman.
פ [Pe]
16 Ou ouver ou lanmenE satisfer dezir tou sa ki vivan.
צ [Tsade]
17 Zeova i toultan fer sa ki byenE i fidel dan tou sa ki i fer.
ק [Qoph]
18 Zeova i pros avek tou dimoun ki priy li,Avek tou bann ki priy li senserman.*
ר [Resh]
19 I satisfer dezir tou bann ki annan en gran respe pour li.I tande ler zot kriy osekour e i sov zot.
ש [Shin]
20 Zeova i protez tou bann ki kontan li,Me i pou detri tou bann move dimoun.
ת [Taw]
21 Mon pou loue Zeova avek mon labous.Ki tou sa ki vivan* i loue son non sen pour touzour e touzour.
Bann not
^ Oubyen “lo ou pwisans enpresyonan.”
^ Oubyen “labonte.”
^ Oubyen “pitye.”
^ Oubyen “avek laverite.”
^ Literalman, “tou laser.”
