Psonm 147:1-20
147 Loue Ya!*
I bon pour sant kantik* pour loue nou Bondye.Pa i bon* e agreab pour loue li!
2 Zeova pe konstri Zerizalenm.I rasanble bann Izraelit ki’n ganny disperse.
3 I geri bann ki annan en leker brize.I pans zot blesir.
4 I konnen ki kantite zetwal i annan.I apel zot tou par zot non.
5 Nou Senyer i gran e i vreman pwisan.Son lentelizans napa limit.
6 Zeova i lev bann ki annan limilite,Me i zet bann move dimoun ater.
7 Sant pour Zeova pour remersye li.Sant kantik e zwe larp pour loue nou Bondye,
8 Sa Enn ki kouver lesyel avek nyaz,Sa Enn ki fer lapli tonm lo later,Sa Enn ki fer zerb pouse lo bann montanny.
9 I donn manze bann zannimoEk bann pti korbo ki kriye pour ganny manze.
10 I pa pran plezir dan lafors sevalNi enpresyonnen par lafors ki en dimoun i annan dan son lazanm.
11 Zeova i kontan bann ki annan en gran respe pour li,Bann ki pe esper son lanmour fidel.
12 O Zerizalenm, glorifye Zeova.
O Siyon, loue ou Bondye.
13 I fer bann bar ou baro lavil for.I beni ou bann garson.
14 I anmenn lape dan ou teritwar.I donn ou sa pli bon* dible.
15 I donn lord later,Son parol i al vit.
16 I anvoy lanez parey lalenn.I dispers lanez* parey lasann.
17 I zet son lagrel* parey bann morso dipen.
Lekel ki kapab tenir son lafreser?
18 I donn lord e zot fonn.
I fer son divan soufle e delo i koule.
19 I fer Zakob konn son parol.I fer Izrael konn son bann lalwa ek zizman.
20 I pa’n fer sa avek lezot nasyon.Zot pa konn son bann lalwa.*
Loue Ya!*
Bann not
^ Oubyen “Alelouya!” “Ya” i non Zeova dan sa form pli kourt.
^ Oubyen “fer lanmizik.”
^ Oubyen “apropriye.”
^ Literalman, “lagres.”
^ Frost an Angle.
^ Oubyen “ays.”
^ Oubyen “zizman.”
^ Oubyen “Alelouya!” “Ya” i non Zeova dan sa form pli kourt.
