Psonm 29:1-11
En sanson David.
29 Donn Zeova sa ki i merite, zot, zanfan bann ki for.Donn Zeova sa ki i merite pour son laglwar ek son lafors.
2 Donn Zeova laglwar ki son non i merite.
Tonm azenou devan* Zeova dan ou lenz sen.*
3 Lavwa Zeova i ganny tande par lao delo.*Sa Bondye glorye i fer tapaz parey loraz.
Zeova i par lao bokou delo.
4 Lavwa Zeova i pwisan.Lavwa Zeova i ekstraordiner.
5 Lavwa Zeova i kas bann pye sed.Wi, Zeova i kraz bann pye sed Liban.
6 I fer Liban* sote parey en pti befE Sirionn parey en zenn toro maron.
7 Lavwa Zeova i fer zekler* tape.
8 Lavwa Zeova i fer dezer tranble.Zeova i fer dezer Kades tranble.
9 Lavwa Zeova i fer bann serf tranble e met ba.I fer fey bann pye dibwa dan lafore tonbe
E tou dimoun dan son tanp i dir: “Laglwar!”
10 Zeova i asiz lo son tronn par lao bokou delo.*Zeova i asiz lo son tronn konman Lerwa pour touzour.
11 Zeova pou donn lafors son pep.
Zeova pou beni son pep avek lape.
Bann not
^ Oubyen “Ador.”
^ Oubyen posibleman, “akoz i vreman sen.”
^ Aparaman, sa pe refer avek nyaz.
^ Aparaman, sa pe refer avek bann montanny Liban.
^ Oubyen “laflanm dife.”
^ Oubyen “losean lesyel.”
