Psonm 33:1-22
33 Zot ki fer sa ki byen, kriye avek lazwa akoz Zeova.
I byen ki bann dimoun drwat i loue li.
2 Remersi Zeova avek larp,Sant kantik* pour loue li avek en lenstriman dis lakord.
3 Sant en nouvo sanson pour li.Zwe byen lenstriman lakord e kriye avek lazwa.
4 Parski parol Zeova i laveriteE ou kapab annan konfyans dan tou sa ki i fer.
5 I kontan ladrwatir ek lazistis.
Later i ranpli avek lanmour fidel Zeova.
6 Par parol Zeova, lesyel ti ganny ferE par lespri sen,* i ti fer tou keksoz dan lesyel.*
7 I bar delo lanmer konmsi i’n met en mirayE i met delo lanmer konmsi dan bann rezervwar.
8 Ki later antye i annan en gran respe pour Zeova.
Ki bann zabitan lo later i admir li.
9 Parski ler i ti koze, bann keksoz ti vin an egzistans.I ti donn lord e keksoz ti vin an plas.
10 Zeova in anpes konplo* bann nasyon reisi.I’n kas plan* bann pep.
11 Me bann desizyon* Zeova i dire pour touzour,Son bann panse i dire pour zenerasyon apre zenerasyon.
12 Ere sa nasyon ki son Bondye i Zeova,Sa pep ki i’n swazir zis pour li.
13 Dan lesyel, Zeova i get anba lo laterE i vwar tou bann imen.*
14 Kot i reste,I get bann zabitan later.
15 I sa Enn ki form leker tou dimoun.I egzamin tou sa ki zot fer.
16 En lerwa pa ganny sove akoz i annan en gran larme,En zonm pa ganny sove akoz i vreman for.
17 Pa bezwen krwar ki seval pou sov ou.*Son gran lafors pa en garanti ki ou pou sape.
18 Gete! Zeova i vey lo bann ki annan en gran respe pour liE bann ki annan lespwar dan son lanmour fidel.
19 Koumsa, i delivre zot dan lanmorE gard zot vivan pandan lafanmin.
20 Nou kontinyen esper Zeova.
I nou boukliye e sa enn ki ed nou.
21 Nou leker i dan lazwa akoz li,Parski nou annan konfyans dan son non sen.
22 O Zeova, kontinyen demontre ou lanmour fidel anver nouParski nou pe kontinyen esper ou.
Bann not
^ Oubyen “Zwe lanmizik.”
^ Oubyen “par lespri (souf) son labous.”
^ Literalman, “fer tou zot larme.”
^ Oubyen “konsey.”
^ Oubyen “panse.”
^ Oubyen “konsey.”
^ Oubyen “bann garson zonm.”
^ Oubyen “pou donn ou laviktwar.”
