Psonm 44:1-26
Pour direkter lanmizik. En sanson bann garson Kora. Maskil.*
44 O Bondye, nou menm nou’n tande avek nou prop zorey,Nou zanset in rakont nouBann keksoz ki ou’n fer dan zot lepok,Dan letan lontan.
2 Avek ou lanmen ou ti pous bann nasyonE fer nou zanset reste laba.
Ou ti kraz bann nasyon e pous zot.
3 Zot pa ti pran pei avek zot prop lepeE zot pa ti ganny laviktwar avek zot prop lafors.*
Me ou ti fer li avek ou lanmen drwat, ou lebra ek lalimyer ou figirAkoz ou ti pran plezir dan zot.
4 O Bondye, ou mon Lerwa.Donn lord pour ki Zakob i ganny en laviktwar konplet.*
5 Gras a ou pwisans nou pou pous nou lennmi.Gras a ou non, nou pou pil lo bann ki atak nou.
6 Parski mon napa konfyans dan mon lark*E mon lepe pa kapab sov mwan.
7 Ou menm ki ti sov nou dan lanmen nou bann lennmiE ki ti imilye bann ki ay nou.
8 Nou pou loue Bondye tou dilon lazournenE nou pou glorifye ou non pour touzour. (Sela)
9 Me aprezan ou’n rezet nou e imilye nouE ou pa diriz nou bann larme.
10 Ou kontinyen fer nou sove devan nou lennmi.Bann ki ay nou i pran tou sa ki zot oule.
11 Ou livre nou pour ki nou ganny devore parey mouton.Ou’n dispers nou parmi bann nasyon.
12 Ou vann ou pep pour preski nanryen ditou.Ou pa fer okenn profi avek sa lavant.*
13 Ou sali nou repitasyon devan nou vwazenE bann ki otour nou i imilye e monk nou.
14 Ou fer nou ganny meprize parmi bann nasyonE bann dimoun i sakouy zot latet pour monk nou.
15 Mon ganny imilye tou dilon lazournenE mon vreman onte
16 Ler mon tann zot pe sifok nou e ensilte nouParski nou lennmi pe revanze kont nou.
17 Tousala in ariv nou, me nou pa’n oubliy ouE nou pa’n kas ou lalyans.
18 Nou pa’n vin enfidelE nou pa’n kit ou santye.
19 Me ou’n kraz nou kot bann sakal* i reste.Ou’n kouver nou avek fernwanr.
20 Si nou’n oubliy non nou BondyeOubyen si nou lev nou lanmen pour priy en bondye etranze,*
21 Pa Bondye pou konnen?
I konn tou sekre ki dan leker en dimoun.
22 Akoz ou, nou pe fer fas avek lanmor tou dilon lazournen.Nou parey bann mouton ki pe al ganny touye.
23 O Zeova, silvouple leve. Akoz ou kontinyen dormi?
Leve! Pa rezet nou pour touzour.
24 Akoz ou kasyet ou figir?
Akoz ou bliy nou ler nou pe soufer e ganny martirize?
25 Parski nou’n ganny zete dan lapousyer,Nou’n tonm plat ater.
26 Silvouple leve e vin ed nou!
Delivre nou akoz ou lanmour fidel.
Bann not
^ Vwar Leksplikasyon bann mo.
^ Oubyen “lebra.”
^ Oubyen “en gran delivrans.”
^ Vwar Leksplikasyon bann mo.
^ Oubyen “sa pri ki’n ganny peye pour zot.”
^ Sa i en kalite lisyen maron. Jackal an Angle.
^ Oubyen “fo bondye.”
