Psonm 47:1-9
Pour direkter lanmizik. En sanson bann garson Kora.
47 Tou bann pep, bat lanmen.
Selebre e kriy avek lazwa pour Bondye.
2 Parski Zeova sa Enn Tre O i enpresyonan.*I sa gran Lerwa lo later antye.
3 I fer bann pep soumet anba nou lotorite.I met bann nasyon anba nou lipye.
4 I swazir en leritaz pour nou,Setadir, laglwar Zakob sa enn ki i kontan. (Selah)
5 Bondye in monte ler dimoun pe kriye avek lazwa,Zeova in monte ler i annan tapaz tronpet.*
6 Sant bann kantik* pour loue Bondye, sant bann kantik.
Sant bann kantik pour loue nou Lerwa, sant bann kantik.
7 Parski Bondye i Lerwa lo later antye.Sant bann kantik e demontre bon zizman.
8 Bondye in vin lerwa lo tou bann nasyon.
Bondye i asiz lo son tronn sen.
9 Bann sef lepep in zwenn ansanmAvek pep Bondye Abraam.
Parski bann dirizan* lo later i pour Bondye.
I ranpli avek laglwar.
Bann not
^ Oubyen “efreyan.”
^ Literalman, “korn.” Vwar Leksplikasyon bann mo.
^ Oubyen “Zwe lanmizik.”
^ Literalman, “boukliye.”
