Psonm 59:1-17
Pour direkter lanmizik. Dapre ler lanmizik “Pa anmenn maler.” En sanson David. Miktam.* Ler Sail ti anvoy bann zonm pour vey lakaz David* pour touy li.
59 O Bondye, delivre mwan dan lanmen mon bann lennmi.Protez mwan kont bann ki pe atak mwan.
2 Delivre mwan dan lanmen bann ki fer sa ki malE sov mwan dan lanmen bann dimoun vyolan.*
3 Gete! Zot kasyet pour atak mwan.O Zeova, bann zonm for i atak mwanMe pa akoz mon’n rebele e fer pese.
4 Menm si mon pa’n fer nanryen mal, zot taye e met pare pour atak mwan.
Ler mon demann ou led, leve e get sa ki zot pe fer.
5 Parski ou, O Zeova Bondye bann larme, ou ki Bondye Izrael.
Silvouple leve e get sa ki bann nasyon pe fer.
Pa pran pitye pour sa bann tret. (Sela)
6 Tou le swar zot retournen.Zot zape* parey lisyen e fer letour lavil.
7 Ekout sa bann parol ki sorti dan zot labous,Zot lalev i parey bann lepe,Parski zot dir: “Lekel ki pe ekoute?”
8 Me ou, O Zeova, ou pou riy zot.Ou pou monk tou bann nasyon.
9 O mon Bondye, ou mon Lafors, mon pou kontinyen esper ou,Parski Bondye i mon landrwa kasyet* ki an sekirite.
10 Sa Bondye ki demontre lanmour fidel pou vin ed mwan.Bondye pou fer mwan get mon bann lennmi ler zot ganny defet.
11 Pa touy zot, pour ki mon pep pa bliye.
Servi ou lafors pour fer zot ale vini.O Zeova, nou boukliye, fer zot tonbe.
12 Ki zot lorgey i fer zot tonm dan latrapAkoz pese ek parol ki sorti dan zot labousE akoz zot koz manti e donn malediksyon.
13 Detri zot dan ou gran lakoler.Detri zot, pour ki zot nepli la,Fer zot konnen ki Bondye pe diriz dan pei Zakob e lo later antye. (Sela)
14 Fer zot retournen aswar,Fer zot zape* e fer letour lavil parey lisyen.
15 Fer zot ale vini pour rod keksoz pour manze.Pa les zot rasazye oubyen ganny en landrwa reste.
16 Me mwan, mon pou sant konsernan ou lafors.Dan bomaten, avek lazwa mon pou koz lo ou lanmour fidel.
Parski ou mon landrwa kasyet ki an sekiriteE en landrwa kot mon kapab sove dan letan difisil.
17 O mon Bondye, ou mon Lafors, mon pou sant kantik* pour loue ou,Parski Bondye i mon landrwa kasyet ki an sekirite, sa Bondye ki demontre lanmour fidel anver mwan.
Bann not
^ Vwar Leksplikasyon bann mo.
^ Literalman, “sa lakaz.”
^ Oubyen “ki swaf disan.”
^ Oubyen “gronnyen.”
^ Oubyen “landrwa o.”
^ Oubyen “gronnyen.”
^ Oubyen “zwe lanmizik.”
