Psonm 66:1-20
Pour direkter lanmizik. En sanson ek lanmizik.
66 Tou bann zabitan later, selebre akoz Bondye.
2 Sant kantik* pour loue son non glorye.
Loue e glorifye li.
3 Dir Bondye: “Bann keksoz ki ou’n fer i enpresyonan!
Akoz ou gran pwisans,Ou bann lennmi pou tranble devan ou.
4 Tou dimoun lo later pou azenou devan ou.Zot pou sant kantik pour loue ou.Zot pou sant kantik pour loue ou non.” (Sela)
5 Vin vwar sa ki Bondye in fer.
Tou sa ki i’n fer pour bann imen i enpresyonan.
6 I ti fer lanmer vin later sek.Zot ti travers larivyer apye.
Laba nou ti dan lazwa akoz li.
7 I pwisan e i pou diriz pour touzour.
Son lizye i kontinyen vey bann nasyon.
Bann ki antete pa devret fer vantar. (Sela)
8 Zot lepep, loue nou BondyeE ki dimoun i tande ler nou loue li.
9 I gard nou vivanE i pa les nou tonbe.*
10 Parski ou’n egzamin nou, O Bondye.Ou’n rafin nou, parey larzan i ganny rafinen.
11 Ou’n atrap nou dan en lasenn.Ou’n met en fardo ki lour lo nou.*
12 Ou’n les dimoun pil lo nou.Nou’n pas dan dife ek deloE apre ou’n anmenn nou dan en landrwa repo.
13 Mon pou vin kot ou lakaz avek bann lofrann brile.Mon pou gard bann ve ki mon’n fer avek ou,
14 Sa ki mon’n prometE ki mon labous ti dir ler mon ti dan problenm.
15 Mon pou ofer ou lofrann brile bann zannimo ki’n ganny angreseE osi fer lafimen bann sakrifis mal mouton monte.
Mon pou ofer bann toro ek bann mal kabri. (Sela)
16 Vin ekoute, zot tou ki annan en gran respe pour BondyeE mon pou dir zot sa ki i’n fer pour mwan.
17 Mon ti kriy li avek mon labousE glorifye li avek mon lalang.
18 Si mon ti annan okenn move lentansyon dan mon leker,Zeova pa ti pou ekout mwan.
19 Me Bondye ti ekout mwan.Wi, i ti ekout mon lapriyer.
20 Loue Bondye ki pa’n rezet mon lapriyerE ki pa’n refize demontre lanmour fidel anver mwan.
