Psonm 75:1-10
-
Bondye i ziz avek lazistis
-
Bann move dimoun pou bwar lakoup Zeova (8)
-
Pour direkter lanmizik. Dapre ler lanmizik “Pa anmenn maler.” En sanson Asaf.
75 Nou dir ou mersi, O Bondye, nou dir ou mersi.Ou avek nou*E dimoun i koz lo bann keksoz merveye ki ou’n fer.
2 Ou dir: “Ler mon fikse en letan pour zize,Mon ziz avek lazistis.
3 Ler later ek tou son zabitan ti tranble,*Mwan ki ti fer son bann pilye reste solid.” (Sela)
4 Mon dir bann dimoun vantar, “Pa fer vantar”
E bann move dimoun, “Pa fer vantar akoz ou for.*
5 Pa fer vantar akoz ou sitan for*Oubyen koz dan en fason arogan.
6 Parski loner ki en dimoun i gannyen pa sortiNi dan les, ni dan was, ni dan sid.
7 Parski Bondye ki zize.
I abes en dimoun e i donn loner en lot.
8 I annan en lakoup diven dan lanmen Zeova.Sa diven i kimen e i byen melanze.
Sirman, Bondye pou vid sa divenE tou bann move dimoun lo later pou bwar li ziska son lanmar.”
9 Me mwan, mon pou koz lo la pour touzour.Mon pou sant kantik* pour loue Bondye Zakob.
10 Parski i dir: “Mon pou fer bann move dimoun perdi tou zot lafors,*Me bann dimoun ki fer sa ki byen pou ganny plis lafors.”*
Bann not
^ Oubyen “Ou non i o bor nou.”
^ Literalman, “fonn.”
^ Literalman, “korn.” Vwar Leksplikasyon bann mo.
^ Literalman, “ou korn.” Vwar Leksplikasyon bann mo.
^ Oubyen “zwe lanmizik.”
^ Literalman, “korn.” Vwar Leksplikasyon bann mo.
^ Literalman, “korn.” Vwar Leksplikasyon bann mo.
