Psonm 78:1-72
Maskil.* En sanson Asaf.
78 Mon pep, ekout mon lalwa,*Ouver zot zorey e ekout sa ki mon pe dir.
2 Mon pou servi en proverb
Ek bann parabol* ki la depi lontan pour ansennyen.
3 Bann keksoz ki nou’n tande e ki nou konnen,Sa ki nou papa in rakont nou,
4 Nou pa pou kasyet avek nou bann garson.Nou pou koz lo la avek sa zenerasyon ki pou vini,Lo bann aksyon ekstraordiner Zeova e son laforsE lo bann keksoz merveye ki i’n fer.
5 I ti donn Zakob en rapelE i ti donn Izrael en lalwa.I ti donn lord nou bann zansetPour fer zot zanfan konn sa bann keksoz,
6 Pour ki sa lot zenerasyon,Bann zanfan ki pa ankor ne, i kapab konn zot.
Zot osi zot pou koz lo la avek zot zanfan.
7 Alor zot zanfan pou annan konfyans dan Bondye.
Zot pa pou oubliy sa ki Bondye in ferE zot pou obei son bann komannman.
8 Koumsa zot pa pou vin parey zot zanset,En zenerasyon ki ti rebele e antete,En zenerasyon ki ti toultan sanz son nide*E ki pa ti fidel avek Bondye.
9 Bann Efraimit ti vin lager avek zot lark,*Me zour batay, zot ti sove.
10 Zot pa ti gard lalyans BondyeE zot ti refize obei* son lalwa.
11 Zot ti osi oubliy sa ki Bondye ti’n ferE bann keksoz merveye ki i ti’n montre zot.
12 I ti fer bann keksoz merveye devan zot zansetLaba Lezip dan rezyon Zoann.
13 I ti separ lanmer an de pour ki zot kapab paseE i ti fer delo debout drwat parey en miray.*
14 Lizour i ti gid zot avek en nyazE pandan lannwit avek en kolonn* dife.
15 Dan dezer, i ti fann rosPour zot ganny delo annabondans konmsi i sorti dan lanmer.
16 I ti fer delo sorti dan en rosE fer li koule parey larivyer.
17 Me zot ti kontinyen fer pese kont liPar rebel kont sa Enn Tre O dan dezer.
18 Zot ti volonterman teste BondyeLer zot ti demann manze ki zot ti vreman anvi.
19 Alor, zot ti koz kont BondyeE dir: “Eski Bondye i kapab donn nou manze* dan dezer?”
20 Gete! I ti tap en rosPour ki delo i koule e deborde parey en larivyer.
“Eski i kapab osi donn nou dipenOubyen eski i kapab donn son pep lavyann?”
21 Ler Zeova ti tann zot, i ti ankoler.En dife ti flanbe kont ZakobE i ti pran en gran lakoler kont Izrael.
22 Parski zot ti napa lafwa dan Bondye,Zot ti napa konfyans dan son abilite pour sov zot.
23 Sanmenm sa i ti donn lord bann nyazE i ti ouver lesyel.
24 I ti kontinyen fer lamann tonbe pour zot manzeE i ti donn zot dible ki sorti dan lesyel.
25 Dimoun ti manz dipen bann lanz.*I ti donn zot ase manze pour ki zot rasazye.
26 I ti fer divan sorti dan les soufle dan lesyelE par son lafors, i ti fer divan soufle sorti dan sid.
27 I ti fer lavyann tonm lo zot parey lapousyer,Wi, bann zwazo parey disab lo lans.
28 I ti fer zot tonm dan milye son kan,Toultour son bann latant.
29 Zot ti manze e antonnen.I ti donn zot sa ki zot ti anvi.
30 Me avan ki zot ti satisfer zot lanvi,Ler manze ti ankor dan zot labous,
31 Bondye ti pran en gran lakoler avek zot.
I ti met amor zot bann zonm forE i ti touy bann garson Izrael.
32 Malgre tousala zot ti fer plis pese ankorE zot ti napa lafwa dan bann keksoz merveye ki i’n fer.
33 Alor i ti met en lafen avek zot lavi zis parey lavaper.*En sel kou, i ti anmenn maler lo zot e zot ti mor.
34 Me sak fwa ki i ti touy serten parmi zot, zot ti rod son led.Zot ti retournen e rod Bondye,
35 Akoz zot ti rapel ki Bondye i zot RosE ki Bondye Tre O i zot Sover.*
36 Me zot ti esey anbet liE zot ti koz manti avek li.
37 Zot pa ti fidel* avek liE zot pa ti gard son lalyans.
38 Me i ti pran pitye pour zot,I ti pardonn zot fot e i pa ti detri zot.
Souvan i ti kontrol son lakolerOlye ankoler en kantite avek zot.
39 Parski i ti rapel ki zot ti bann senp imen,Parey en divan ki soufle e pa retournen.*
40 Konbyen fwa zot ti rebel kont liE fer li vreman sagren dan dezer!
41 Plizyer fwa zot ti teste BondyeE fer sa Enn ki Sen Izrael tris.*
42 Zot ti bliy son pwisans,*Sa zour ki i ti delivre zot dan lanmen zot lennmi.
43 Zot ti bliy mirak* ki i ti fer LezipE dan rezyon Zoann.
44 Zot ti bliye ki mannyer i ti fer delo larivyer* Nil vin disanPour ki personn pa kapab bwar delo.
45 I ti anvoy bann gro mous* pour devor zotE bann grenwir pour detri zot.
46 I ti fer bann sotrel ki voras manz zot plantasyonE bann sotrel ki anvole manz zot rekolt.
47 I ti detrir zot OubyeenE zot pye sikamor* avek lagrel.
48 I ti touy zot zannimo avek lagrelE zot troupo zannimo avek zekler.*
49 I ti vreman mekontan avek zotE dan son lakoler ek firer*, i ti fer zot soufer.I ti anvoy bann lanz pour anmenn maler lo zot.
50 I pa ti kontrol son lakoler.
I pa ti anpes zot morE i ti detri zot avek lepidemi.
51 Finalman i ti touy tou bann premye ne Lezip,Bann premye zanfan* dan latant Kam.
52 Apre sa, i ti fer son pep sorti parey bann moutonE i ti gid zot dan dezer parey en troupo.
53 I ti gid zot e protez zotE zot pa ti per.Lanmer ti kouver zot lennmi.
54 I ti anmenn zot dan son pei senKot i annan bann montanny ki i ti pran avek son lanmen drwat.
55 I ti pous bann nasyon devan zot,Avek en lakord pour mezire, i ti donn zot en leritaz dan sa pei.I ti fer bann tribi Izrael reste dan zot lakaz.
56 Me zot ti kontinyen teste e rebel kont Bondye Tre O.Zot pa ti obei son bann rapel.
57 Parey zot zanset, zot ti vir ledo avek li e zot ti vin bann tret.
Zot pa ti diny konfyans parey en lark* ki son lakord i las.
58 Zot ti kontinyen ofans li avek zot bann landrwa ladorasyon*E zot ti fer li ankoler* akoz zot bann zidol.
59 Bondye ti tann zot e i ti vreman ankoler,Alor i ti rezet Izrael konpletman.
60 Finalman i ti abandonn tabernak* Silo,Latant kot i ti’n reste parmi bann imen.
61 I ti les son bann lennmi pran sa ki reprezant son laforsEk son labote.*
62 I ti les son pep ganny touye par lepeE i ti vreman ankoler avek son leritaz.
63 Son bann garson ti mor dan difeE personn pa ti sant bann sanson maryaz pour bann vyerz.*
64 Son bann pret ti ganny touye avek lepeE zot prop vev pa ti plere.
65 Alor Zeova ti leve parey en dimoun i leve dan son sonmey,Parey en zonm for ki’n desoule apre ki i’n bwar diven.
66 I ti pous son bann lennmiE fer zot onte pour touzour.
67 I ti rezet latant Zozef,I pa ti swazir tribi Efraim.
68 Me i ti swazir tribi Zida,Montanny Siyon ki i kontan.
69 I ti fer son landrwa sen dirab parey lesyel,Parey later ki i’n etabli pour touzour.
70 I ti swazir son serviter DavidE i ti pran li ler i ti pe vey son bann mouton.
71 I ti pran li ler i ti pe pran swen avek son bann femel mouton ek zot piti.I ti fer li vin berze lo Zakob, son pepE lo Izrael, son leritaz.
72 Avek tou son leker, i ti fidelman pran swen avek zot parey en berzeE i ti diriz zot avek lasazes.
Bann not
^ Vwar Leksplikasyon bann mo.
^ Oubyen “lansennyman.”
^ Oubyen “zedmo.”
^ Literalman, “ki pa ti prepar son leker.”
^ Vwar Leksplikasyon bann mo.
^ Oubyen “mars dan.”
^ Oubyen “danm.”
^ Literalman, “lalimyer.”
^ Oubyen “prepar en latab pour manze.”
^ Oubyen “dipen sorti dan lesyel.”
^ Oubyen “souf.”
^ Oubyen “sa Enn ki revanze.”
^ Oubyen “Zot leker pa ti ferm.”
^ Oubyen “Zot mor e zot pa kapab reganny zot lavi.”
^ Oubyen “soufer.”
^ Literalman, “lanmen.”
^ Oubyen “siny.”
^ Oubyen “transe.”
^ Sa i en kalite mous ki pike.
^ Sycamore an Angle.
^ Oubyen posibleman, “gro lafyev.”
^ Oubyen “gran lakoler.”
^ Oubyen “Konmansman zot lafors pour reprodwir.”
^ Vwar Leksplikasyon bann mo.
^ Vwar Leksplikasyon bann mo.
^ Oubyen “zalou.”
^ Oubyen “latant ladorasyon.” Vwar Leksplikasyon bann mo.
^ Sa pe refer avek lars lalyans.
^ Literalman, “E son bann vyerz pa ti ganny onore.”
