ˈˈDhoogɔ do ˈgü Zoova ˗bha ꞊Gbɛkiö ˗nu ˗wo ˗dho wo ˈkwëëdhö ˗gɛn ˗ɲaan ˈka ꞊plɛ ˗an ˗bha «˗bhɔkwëëkëgükɔ» ˗nu ˈgü ˈö ˈwo ˗bhɔkwëë ˗nu ˗kë. ˈMën ˈwo˗ ˗kë mü? ˈWɔn ˗së ˗mɛɛn ˈü ˗dhö ˗an ꞊slɔɔ ˗bhɔkwëë ˗nu bhë ˗an ˗ta?

•  ˗Mën ˈwo˗ ˗kë ˗Bhɔkwëëkëgükɔ ˗nu ˈgü?

•  ˗Mën ˈö ˗kë ˈö ˗së kö ˈü ˈdho ˗bhɔkwëë ˗nu bhë ˗an ˗ta?

•  Pë ˈö wlüünën ˗nu ˗wa pö

 Yi ˗Zlan ˗dhɔkë ˗Bhɔkwëëkëgükɔ ˈgü, ˈö ˈyi Biblö ˗wo ˗ya ꞊bhlëë ˈgü ˗kɔ ꞊draan mü. ˗A ˗bhɔkwëë ˗nu ˈwo bhë, ˗wo ꞊mɔɔn˗ ˗bha ˈwo ü ˗takun kö:

•   ˈü gagade ˈö ˗gban ˗Zlan ˗bha ˗a draanˈˈ.

•   ˈü ˈwɔn ˗nu ˈwo kë ˗ni ˈgü ꞊dɛɛ ˗an kë ˗gɛn dɔ.

•   ˈü kë ˗tiaandhö.

•    ˈü ˈˈtɔŋdë ˗së ˗nu ꞊slɔɔ..

  Pë ˗nu ˈwo ˗an ꞊draan mü, ˗wo ˗dho ü ˗takun. Biblö ˗bha ˈtɔŋ˗ ˗gɛngbandhɛ ˗nu ˈwo ˗an ꞊draan Zoova ˗bha ꞊Gbɛkiö ˗nu ˗bha ˗bhɔkwëë ˗nu ˗ta bhë, ˗wo ˗dho ü ˗takun kö «꞊kpɔɔdhɛ» ꞊dede ˗yö kë ü ˗gɔ. (Proverbes 4:5) Biblö ꞊mɔɔn˗ ˗bha ˈö ü ˗takun kö ˈü ˗da ˈwɔn ˗së ˗nu ˗ʒian ˗ta ü ˗bha ˗tosɛta ˈgü. ˗Yö ꞊mɔɔn˗ ˗bha ˈzü ˈö ü ˗takun dhɛɛˈˈ ˗nu ˈü ˗an kpɔ ü ˗de ˗gɔ ˗an ˗yɔ ꞊slɔɔ ˗sü ˗bha. ˗A dhɛɛˈˈ ˈbhaa ˗nu ˈtɔ˗:

•   ˗Tosɛta kë ˗gɛn ˈtɔ˗ ˗mën?

•   ˗Zlan ˈnën ˈkwa ˗dho kwa ˗bha saanˈˈ ˗nu ˗lo ˗a ꞊troo ˗ee?

•   ˈKwa ga kwa ˗dho ˈˈmɛn?

 ˈˈDhɛɛtadhiaŋ˗ ˗nu ˈwo ˗an zë yi ˗bha ˗bhɔkwëë ˗ta ꞊glooyi ˈka, ˗an ˗gɔ ˈbhaa ˗nu ꞊nɛn:

•   ˈMën ˗kë ˈö ˗së kö Biblö ˗yö ˈˈdhiʋ̈sü kwa ˈka?

•   Kwa ˗dho ˗takundhe ꞊slɔɔ ˈˈmɛn ˈwɔn ˈˈgbɩɩ˗ ˗nu ˈgü?

•   ˈMën ˗Zlan ˗bha ˗Gblüdëdhɛ ˈdhö˗ kë ˗ni ˈgü kwa ˗dhɛ ꞊dɛɛ?

 «ˈNën do ˈö n ˗man ꞊klaŋkɔɔdhö ˗yö ˗nu yi ˗bha ˗bhɔkwëë ˗ta yi do ˈka. ˗Yö ˗ya yaa n ˗mɛn ˗nu yi ˈˈsuee ˈö ˈyi ˗dhɛga yi ˗bha ˗bhɔkwëë ˈsëëdhɛ ˗nu ˈgü. ˈDhɛ ˗bhɔkwëë ˗yö ɲën ˈyö˗ pö n ˗dhɛ ˗bhɔkwëë ˈˈpian ˈö ˈˈtʋtomɛn ˗nu ˗wo dhɛɛˈˈ ˗yɔ ˗nu bɔ mu bhë, ˗yö ˗kë ö ˗dhɛ ˗së. ˈYö˗ pö ˈzü ö ˗bha ˗zlanwo ˈgü, pë ˗draan ˗a ˈgü ˈsëëdhɛ ˈyaa mɛn gbɛ˗ ˗gɔ ꞊dhɛ yi ˈdhö.»—Brenda.

 Ü˗ ˈwɔn ˗dɔ ˗ee? ˈWaa ˈwëëga bho yi ˗bha ˗bhɔkwëëkëgükɔ ˈgü, ˗wo ˗da ˈkɔɔ ˈˈwɛwɛ.

 Mɛn ˗nu ˈwo nu ˗bhɔkwëë ˗ta ˗wo ˗dho ü ꞊faanmën. Biblö ˗ya ˗pö kletiɛn ˗nu ˗bha ˗dho wo ˈkwëëdhö ˗sü ˗gɛn do ˈnën ˗tɔ kö ˗wo wo «ˈko ˗nu faan dɔ» (Eblö 10:24, 25) ˈˈKpɔnŋtaadhɛ ˈö mɛn ˗nu ˗wo ˗ya wo ˗de ˗wɔn ꞊zɔɔn ˗ta dosɛnŋ mü yö ˗a ˈgü, kö ˈü ꞊nënŋ mɛn ˗nu ˈwo ˗Zlan waa mɛn ˈˈwɛɛ ˗nu ˗wɔn bɔ wo ˗de ˗wɔn ˈˈdhiʋ̈ ˗an ˗bha, ˗wo ˗dho ü ꞊faanmën.

 «ˈˈTʋ̈ŋ ˈbhaa ˗nu ˈka ˈˈdoo ˗ya ˗da, a ˗kë ˗saa, kö n ˈgü ˗ya ga, ˈˈkɛɛ mɛn ˗nu ˈwo ˗nu ˗bhɔkwëë ˗ta ˗wo n ꞊faanmën. Man ˈgo ˗bhɔkwëë ˗ta n zuʋ̈ˈˈ ꞊nii ˗yö ˗da, ˈö ꞊faan ˗dɛɛ ˈö n ˗bhawɔn ˈdhö˗ ˗bha dhiʋ̈ˈˈ ˈa˗ ꞊slɔɔ.»​—Eliza.

 Ü˗ ˈwɔn ˗dɔ ˗ee? Zoova ˗bha ꞊Gbɛkiö ˗nu ˗bha ˗zlanwokɔdhi ˈwo ˗ʒiö 120.000 ˗ta ˗wo ˈˈkpɔnŋtaadhɛ ˗todhʋ̈sü ˈgü. ˗An ˗bha ˗bhɔkwëëkëdhɛ ˗ni ˗wo ˗ʒiö 60.000 ˗ta. ˗Kwɛ ˈˈpɛpɛ ˈka ˗bhɔkwëëkëgükɔ ˗nu ˈwo ˗mɔn 1.500 ˗bha ˈyö ˈwo ˗an dɔ kö mɛn ˗nu ˈwo nu ˗ni ˈgü ˈgbɛ ˗bhɔkwëë ˗nu ˗ta bhë ˗wo wo ˗yɛɛ ꞊slɔɔ. a