ˈWɔn ˈö ˗gban yi ˗bha ˗bhɔkwëë ˗nu ˗bha, ˗bhö ˗a ˗ga. ˗Bhö ˗bhɔkwëëkëdhɛ do ˈö ü ˈˈsɔɔ ˗a mɛɛnˈˈ.

Zoova ˗bha ꞊Gbɛkiö ˗nu ˗wo ˗dho wo ˈkwëëdhö ˗gɛn ˗ɲan ˈka ꞊plɛ ˈˈdhoogɔ do ˈgü, kö ˈwo ˗Zlan ˗dhɔkë.(Eblö 10:24, 25) ˗A ˗bhɔkwëë ˗nu ˈwo ˈˈdhʋ̈, mɛn ꞊gban ˈˈpɛpɛ ˗mɔɔn ˗a ˗bha ˈwo nu ˗an ˗ta. ˈPë Biblö ˗ya pö waa˗ ˗ya ꞊bhlëë ˈgü ˗kɔ ˈnën ˈyi ˗an ꞊draan yi ˗bha ˗bhɔkwëë ˗nu ˗ta.

Yi ˗bha ˗bhɔkwëë ꞊vadhɛ ˗nu ˗ta mɛn ˈˈpɛpɛ ˈwɔn ˗daakë ꞊dhɛ ˈˈdoo ˈwo˗ dɔ ꞊klaŋkɔɔdhö ˗a ˈdhö. ˗A ˗bhɔkwëë ˗nu zü ˗yö ˗dɔ ˈö˗ ˈˈdhiʋ̈ ˗yö ˗ta ˈˈtan waa bhɛɛsü ˗ta.

ˈˈFlosɩ ˈyaa ˗mü kö ˈü kë Zoova ˗bha ꞊Gbɛkiö ˈka kö ˈü ꞊kun nu ˗ni yi ˗bha ˗bhɔkwëë ˗nu ˗ta. Yi mɛn ꞊gban ˈˈpɛpɛ ˗dhɛ kö ˗wo nu yi ˗bha ˗bhɔkwëë ˗nu ˗ta. ˈWaa da ˈkɔɔ ˈwëëga ˗bha ɛɛnˈˈ ˈwëë˗ bhodhe gbɛ˗ ˈyaa mü.