1. Loba la bonam le ndedi,

Bebolo ba bwam a to̱ndi,

Nded’ao e titi mo̱ eto̱m.

E biso̱ muyao buńa te̱.

Bate̱le̱ ba be̱ mbaki ná

Mika mabu a masenga.

A bi ná je nde dibudu;

E ndedi e pe̱ muyao.

2. Di wusi te̱, di bwa ndutu,

Yesu a lango nje kwala

Ke̱ di makwan milakisan

Ná di kuse ndedi, mo̱ ná:

“Lakise̱ mawuse̱ masu,

Kana di malakise̱no̱.”

Ná jese̱le̱ so̱ malinga,

Di be̱ne̱ musango na pī.

3. Di mabola te̱ mabea,

Di lee̱ mudī ma bola.

Musesako di si wasa,

Di be̱ muńe̱nge̱ o bola.

Nde Loba nu me̱ne̱ me̱se̱

A me̱nde̱ sawea biso̱.

Mbale̱ bonam na bandedi,

O miso̱ ma Yah ba do̱li.