Ŋutilãmenuwo Didi
Ðe Biblia gblɔ be egblẽ be ga kple ŋutilãmenuwo nanɔ ame sia?
-
Biblia me kpɔɖeŋu:
-
1Fi 3:11-14—Yehowa tsɔ kesinɔnu geɖe yra Fia Salomo ɖe ale si wòbɔbɔ eɖokui ta
-
Hio 1:1-3, 8-10—Kesinɔnuwo bɔ ɖe Hiob si ale gbegbe gake nuteƒewɔwɔwɔ na Yehowae nɔ vevie nɛ wu
-
Nu ka tae ga kple kesinɔnuwo yometiti menana míekpɔa dzidzɔ vavãtɔ o?
Aleke wòate ŋu adzɔe be viɖe aɖeke mava nɔ míaƒe kesinɔnuwo ŋu o?
Afɔku gã kae le ga kple kesinɔnuwo yometiti me?
Mɔ ka nue kesinɔnuwo ate ŋu aflu mí le?
Lod 11:4, 18, 28; 18:11; Mt 13:22
-
Biblia me kpɔɖeŋu:
-
Dw 8:18-24—Simon wɔ bometsinu esi wòsusui be yeate ŋu atsɔ ga aƒle ɖoƒe le Kristo hamea me
-
Nu kae galɔlɔ̃ ate ŋu agblẽ le mía ŋu?
-
Biblia me kpɔɖeŋu:
-
Mr 10:17-23—Ðekakpui kesinɔtɔ aɖe lɔ̃ eƒe kesinɔnuwo vevie, esia wɔe be mete ŋu dze Yesu yome o
-
1Ti 6:17-19—Apostolo Paulo xlɔ̃ nu Kristotɔ siwo nye kesinɔtɔwo be woaƒo asa na ɖokuidodoɖedzi, ne menye nenema o la, woƒe nu madze Mawu ŋu o
-
Aleke ŋutilãmenuwo didi ate ŋu agbɔdzɔ míaƒe xɔse eye wòana míawɔ nu siwo medzea Mawu ŋu o?
5Mo 8:10-14; Lod 28:20; 1Yh 2:15-17
Kpɔ Ps 52:6, 7; Am 3:12, 15; 6:4-8 hã
-
Biblia me kpɔɖeŋu:
-
Hio 31:24, 25, 28—Hiob kpɔe be enye vodada gã aɖe be ame naɖo dzi ɖe eƒe kesinɔnuwo ŋu, elabe esia afia be meka ɖe Mawu dzi o
-
Lk 12:15-21—Yesu zã ŋutsu aɖe si si nuwo bɔ ɖo gake menye kesinɔtɔ le Mawu gbɔ o ƒe kpɔɖeŋu tsɔ xlɔ̃ nu mí be míaƒo asa na kesinɔnuwo didi
-
Aleke míawɔ be ŋutilãmenu siwo le mía si nadze mía ŋu?
Nu vevi kawoe xɔ asi sãsãsã wu ŋutilãmenuwo?
Lod 3:11, 13-18; 10:22; Mt 6:19-21
-
Biblia me kpɔɖeŋu:
-
Hag 1:3-11—Yehowa to nyagblɔɖila Hagai dzi gblɔ na eƒe dukɔa be yemagayra wo o elabe wogblẽ yeƒe aƒea ɖi eye wovu ɖe woawo ŋutɔwo ƒe aƒewo tutu kple nu siwo ana woakpɔ dzidzɔ ko ŋu
-
Nyɖ 3:14-19—Yesu gbe nya na Laodikea hamea elabe wona ŋutilãmenuwo va le vevie na wo wu mawusubɔsubɔ
-
Nu ka tae wòle be míaka ɖe edzi be Yehowa ana ŋutilãmenu siwo míehiã la mí?
Ɖewohĩ Esia Hã Adzɔ Dzi Na Wò
NYƆ!
Susu Nyui Si Wòle Be Wòanɔ Ame Si Ðe Ga Ŋu
Nyabiase adre siwo akpe ɖe ŋuwò nàdzro ɖokuiwò me kpɔ be ɖe susu gbegblẽ va le ye si ku ɖe ga ŋu hã.
NYƆ!
Nu Etɔ̃ Siwo Ga Mate Ŋu Aƒle O
Ga kpena ɖe mía ŋu míetea ŋu ƒlea nanewo ya gake nu siwo womate ŋu aƒle kple ga o gbɔe dzidzeme gãtɔ tsona.
YESU—MƆ LA, NYATEƑE LA KPLE AGBE LA
Yesu Ðo Nya Ŋu Na Kplɔla Ðekakpui Kesinɔtɔ Aɖe
Nu kae na Yesu gblɔ be ele bɔbɔe na kposɔ be wòato abui ƒe vo me wu be kesinɔtɔ nayi ɖe Mawu Fiaɖuƒe la me?
YESU—MƆ LA, NYATEƑE LA KPLE AGBE LA
Yesu Xlɔ̃ Nu Tso Kesinɔnuwo Ŋu
Yesu do lo ku ɖe kesinɔtɔ si tu nudzraɖoƒe siwo lolo wu ŋu. Nuxlɔ̃amenya kae wògbugbɔ gblɔ tso afɔku siwo le kesinɔnuwo yome titi ŋu?
MÍA ŊU NYAWO
Bia Be Ame Aɖe Nava Srã Ye Kpɔ
Dzro Biblia me biabia aɖe me, alo srɔ̃ nu geɖe tso Yehowa Ðasefowo ŋu.
