Psalmowo 130:1-8
Todzimɔ dzi Hadzidzi.
130 Oo Yehowa, gogloeƒe kee meyɔ wò le.+
2 Oo Yehowa, se nye gbe.
Lé to ɖe nye kokoƒogbe ŋu.
3 Oo Yah,* ne vodadawo ŋue nèléa ŋku ɖo la,*Oo Yehowa, anye ne ame kae ate ŋu anɔ te?+
4 Elabena gbɔwòe tsɔtsɔke vavãtɔ le,+Ne woavɔ̃ wò.+
5 Mele mɔ kpɔm na Yehowa, nye ameti bliboa mele* mɔ kpɔm nɛ;Mele eƒe nya la sinu kpɔm.
6 Mele* Yehowa sinu kpɔm vevie,+Wu ale si zãdzɔlawo kpɔa mɔ na ŋdi,+Ɛ̃, wu ale si zãdzɔlawo kpɔa mɔ na ŋdi.
7 Israel nenɔ Yehowa sinu kpɔm,Elabena Yehowa ƒe lɔlɔ̃ la nu metsina o,+Eye ɖeɖe bɔ ɖe esi ŋutɔ.
8 Aɖe Israel tso eƒe vodadawo katã me.
Etenuŋɔŋlɔ
^ “Yah” nye ŋkɔ Yehowa ŋɔŋlɔ kpuie.
^ Alo, “ne èbe yealé vodadawo ɖi la.”
^ Alo, “nye luʋɔ le.”
^ Alo, “Nye luʋɔ le.”
