Psalmowo 139:1-24
Na henɔ la. David ƒe ha.
139 Oo Yehowa, èdzro menye, eye nèdze sim nyuie.+
2 Ènya nye anyinɔnɔ kple nye tsitretsitsi.+
Èdze si nye susuwo tso adzɔge ʋĩi ke.+
3 Èlé ŋku ɖe* nye gododo kple nye anyimɔmlɔ ŋu;Eye nye mɔwo katã le nyanya na wò nyuie.+
4 Hafi nya aɖe nava nye aɖe dzi la,Oo Yehowa, ènya wo katã nyuie xoxo.+
5 Èle ŋunye godoo, le megbe kple ŋgɔ siaa;Eye nèda wò asi ɖe dzinye.
6 Esia nyanya gbɔ nye gɔmesese ŋu.*
Ekɔkɔ nam akpa nyemate ŋu aɖo afi ma o.*+
7 Afi kae madzo le wò gbɔgbɔ la gbɔ ayi,Eye afi kae masi le ŋkuwòme ayi?+
8 Ne melia yi dziƒo la, èle afi ma,Eye ne meɖo nye aba ɖe Tsiẽƒe* la, kpɔ ɖa, èle afi ma.+
9 Ne metsɔ agudzedze ƒe aʋalawo dzo,Be mayi aɖanɔ atsiaƒu ƒe mlɔenu ke hã la,
10 Wò asi akplɔm le afi ma hã,Eye wò nuɖusi além ɖe te.+
11 Ne mebe, “Viviti atsyɔ dzinye!” la,
Ekema zã si do ɖem azu kekeli.
12 Viviti gɔ̃ hã medo blukɔ na wò o,Ke boŋ zã me akɔ na wò abe ŋkeke me ene;+Viviti le na wò ko abe kekeli ene.+
13 Elabena wòe wɔ nye ayikuwo;Ètsɔ nu xe ŋunye* le danye ƒe dɔ me.+
14 Mekafu wò, elabena ale si nèwɔm la dzi ŋɔ eye wòwɔ nuku.+
Wò dɔwɔwɔwo wɔ nuku,+Eye menya* esia nyuie.
15 Nye ƒuwo mele ɣaɣla ɖe wòEsime wowɔm le ɣaɣlaƒe,Esime wolɔ̃ nye ŋutinuwo ɖe wo nɔewo me le anyigba tume o.+
16 Wò ŋkuwo kpɔm esime menye ʋukɔe;Eye woŋlɔ eŋu nuwo katã ɖe wò agbalẽ me,Le ŋkeke siwo me wowɔ wo,Esime wo dometɔ aɖeke medo haɖe o.
17 Eya ta wò susuwo xɔ asi nam loo!+
Oo Mawu, aleke gbegbe wosɔ gbɔe nye esi!+
18 Ne mebe maxlẽ wo la, wosɔ gbɔ wu kekuiwo.+
Ne menyɔ hã, gbɔwò ko mekpɔtɔ le.*+
19 Oo Mawu, ne ɖe nàtsrɔ̃ ame vɔ̃ɖi la ɖe!+
Ekema ŋutasẽlawo* ate ɖa le gbɔnye,
20 Wo, ame siwo tsɔa susu vɔ̃ gblɔa nya vlowo ɖe ŋuwò;*Woawoe nye wò ketɔ siwo yɔa wò ŋkɔ la dzodzro.+
21 Oo Yehowa, ɖe nyemelé fu ame siwo léa fu wò la oa,+Eye ɖe nyemenyɔa ŋu ame siwo dzea aglã ɖe ŋuwò la oa?+
22 Melé fu wo kaɖikaɖi;+Futɔ ŋutɔŋutɔwoe wozu nam.
23 Oo Mawu, dzro menye ne nàdze si nye dzi.+
Dzro menye, ne nàkpɔ ale si metsi dzodzodzoe le susu mee ɖa.*+
24 Ne nàkpɔe ɖa be mɔ vɔ̃ɖi aɖe le menye hã,+Ne nàkplɔm+ to mɔ tegbeetɔ la dzi.
Etenuŋɔŋlɔ
^ Egɔmeɖeɖe tẽe, “Èdzidze.”
^ Alo, “wɔ nuku nam akpa.”
^ Alo, “nyemate ŋu ase egɔme o.”
^ Alo, “Sheol,” si nye ameƒomea ƒe yɔdo. Kpɔ Nya Tɔxɛwo Gɔmeɖeƒea.
^ Agate ŋu afia, “Wòe lɔ̃ nye ŋutinuwo ɖe wo nɔewo me.”
^ Alo, “nye luʋɔ dze si.”
^ Agate ŋu afia, “mekpɔtɔ le wo xlẽm.”
^ Alo, “ʋukɔɖilawo.”
^ Alo, “ame siwo gblɔa nya vlowo ɖe ŋuwò le woƒe susu nu.”
^ Alo, “ne nu geɖe le fu ɖem na nye susu.”
