Ndi Abasi Enyene Enyịn̄?
Se Bible ọdọhọde
Kpukpru owo ẹnyene enyịn̄. Ndi Abasi ndien mîkpenyeneke? Mme ufan ẹsikere ẹnyụn̄ ẹkot enyịn̄ mme ufan mmọ. Ndi nnyịn ikpetieneke ikot enyịn̄ Abasi sia inyụn̄ idide ufan esie?
Abasi etịn̄ ntem ke Bible: “Ami ndi Jehovah. Enyịn̄ mi edi oro.” (Isaiah 42:8) Kpa ye oro Abasi enyenede ediwak udorienyịn̄, utọ nte “Ata Ọkpọsọn̄ Abasi,” “Akakan Ọbọn̄ Andikara,” ye “Andibot,” enye okpono ikọt esie ke ndiyak mmọ ẹkot imọ ke enyịn̄.—Genesis 17:1; Utom 4:24; 1 Peter 4:19.
Ediwak Bible ẹwet enyịn̄ Abasi ke Exodus 6:3. Itie Bible oro ọdọhọ ete: “Mma nsiwụt Abraham ye Isaac ye Jacob idem, nte Ata Ọkpọsọn̄ Abasi, edi amaedi enyịn̄ mi oro Jehovah, ami n̄kanamke mmọ ẹdiọn̄ọ.”
Efịk ẹkot Abasi Jehovah ke ata ediwak isua idahaemi. Kpa ye oro ediwak nta mme ekpep n̄kpọ ẹmade ndiwet enyịn̄ emi nte “Yahweh,” Jehovah ke ata ediwak owo ẹmehe ndikot. Owo ikadaha Ikọmbakara itọn̄ọ ndiwet Bible edi ẹkeda usem Hebrew emi ẹsitode nnasia ẹkot ẹka ufien. Ke usem Hebrew, ẹsida abisi inan̄ emi ẹwet enyịn̄ Abasi, יהוה. Ẹsision̄o abisi Hebrew inan̄ emi ẹwet nte YHWH.
Ekeme Ndidi Ayama Mmọ Emi N̄ko
ESSENTIAL BIBLE TEACHINGS
Abasi Ekere Didie?
Bible ọdọhọ ke Abasi edi Ata Ọkpọsọn̄ m̀mê Abasi Ibom, Andibot, ye Ọbọn̄. Edi ata enyịn̄ esie odu ke Bible ebe utịm ike-7,000.
BIBLE EKEME NDIBỌRỌ MBỤME FO
Abasi Enyene Enyịn̄ Ifan̄?
Ndusụk owo ẹkeme ndikere ke enyịn̄ Abasi edi ‘Allah’ ye ‘El Shaddai,’ m̀mê ‘Jehovah-Jireh’ ye ‘Alpha and Omega.’ Ntak ọfọnde idiọn̄ọ enyịn̄ emi ikpokotde Abasi?
ABAN̄A NNYỊN
Dọhọ Mmọ Ẹdi Ufọk
Se nte Bible ekemede ndibọrọ mbụme fo, mîdịghe kpep n̄kpọ ban̄a Mme Ntiense Jehovah.