Mme owo ẹbụp ukem mbụme emi ke nsio nsio usụn̄. Ndusụk ẹbụp ‘Ntak emi idude ke isọn̄ emi?’ mîdịghe ẹbụp ‘Ntak emi Abasi okobotde mi-e?’ Bible owụt ke Abasi okobot nnyịn man idi ufan esie. Se ndusụk n̄kpọ emi Bible etịn̄de aban̄a uwem nnyịn mi.

•   Abasi okobot nnyịn. Bible ọdọhọ ete: “[Abasi] akanam nnyịn, idịghe nnyịn ikanam idem nnyịn.”—Psalm 100:3; Ediyarade 4:11.

•   Enyene ntak emi Abasi okobotde nnyịn ye kpukpru mme n̄kpọ eken.—Isaiah 45:18.

•   Ana iyom Abasi man ifiọk ntak emi idude uwem. (Matthew 5:3) Se Abasi oyomde inam edi oro.—Psalm 145:16.

•   Ima idi ufan Abasi, iyọfiọk ntak emi enye okobotde nnyịn. Okposụkedi emi ndusụk owo ẹkerede ke owo ikemeke ndidi ufan Abasi, Bible ọdọhọ ‘isan̄a ikpere Abasi, ke enye ayasan̄a ekpere nnyịn.’—James 4:8; 2:23.

•   Ana idu uwem nte Abasi oyomde idu man ikeme ndidi ufan esie. Bible etịn̄ se Abasi oyomde inam ke Ecclesiastes 12:13 ete: “Bak ata Abasi nyụn̄ nịm mme ibet esie. Koro ofụri mbiomo emi owo enyenede edi emi.”

•   Ini ke edi emi Abasi edinamde ufen etre onyụn̄ anam mme ufan esie ẹdu uwem ke nsinsi nsinsi. Ini oro ke idinen̄ede ikụt ntak emi Abasi okobotde nnyịn.—Psalm 37:10, 11.