Isaiah 57;1-21
57 Edinen owo amatak,+ edi idụhe owo eke ekerede aban̄a emi ke esịt esie.+ Ndien ẹtan̄ mbon ima-mfọnido ẹfep ẹnam ẹtiene mme akpan̄kpa,+ ke adan̄aemi baba owo kiet mîfiọkke ke ẹmen edinen owo ẹfep man okûkụt afanikọn̄.+
2 Enye odụk ke emem;+ mmọ ẹduọk odudu+ ke bed mmọ,+ owo mmọ kiet kiet emi asan̄ade nte enende.+
3 “Amaedi mbufo, ẹsan̄a ẹkpere mi,+ mbufo nditọ n̄wan idiọn̄,+ mfri owo efịbe ye eke n̄wan emi asan̄ade akpara:+
4 Anie ke mbufo ẹda ẹnam mbubru?+ Anie ke mbufo ẹn̄wan̄ade inua ẹnyụn̄ ẹsio edeme ẹn̄wọmọ?+ Nte mbufo idịghe nditọ ubiatibet, kpa mfri nsu,+
5 mmọ eke ẹnamde oburobụt ido ke otu ikpọ eto+ ye ke idak kpukpru eto eke ẹsehede,+ ẹwotde nditọwọn̄ ke itịghede mmọn̄ ke idak nsiaha ikpọ itiat?+
6 “Udeme fo okodu ye ndọnọ itiat emi ẹdude ke itịghede mmọn̄.+ Mmọ ẹkedi udeme fo.+ Akan oro, afo ama an̄wan̄a edin̄wọn̄ uwa ọduọk ọnọ mmọ,+ onyụn̄ ọnọ mmọ enọ. Nte ndida mme n̄kpọ emi ndọn̄ idemmi esịt?+
7 Afo ama ebri bed fo ke enyọn̄ obot emi okon̄de onyụn̄ emenerede.+ Afo ama onyụn̄ ọdọk aka do n̄ko akawa uwa.+
8 Ndien afo enịm n̄kpọ oro ẹdade ẹti fi ke edem usụn̄ ye ke edem obubọk enyịnusụn̄.+ Afo ọkpọn̄ mi okofụhọde idemfo onyụn̄ ọtọn̄ọ ndidọk; afo anam bed fo an̄wan̄a.+ Ndien afo anam ediomi ye mmọ ke ufọn idemfo. Afo ama etiene mmọ ama bed.+ Ama onyụn̄ okụt idem erenowo.
9 Afo ama onyụn̄ ada aran osụhọde ebịne Melech, onyụn̄ anam edifuọn̄ aran fo awak.+ Ndien afo ọdọn̄ mme isụn̄utom fo ẹka anyan usụn̄, ntre afo osụhọde itie fo esịm Udi.*+
10 Uwak usụn̄ fo ẹsịn fi akpa utom.+ Afo udọhọke ute, ‘Idotenyịn idụhe!’ Afo amafiak okop odudu.+ Oro edi ntak emi afo mûdọn̄ọke.+
11 “Afo ekefehe anie onyụn̄ ọtọn̄ọ ndikop ndịk,+ anamde fi osu nsu?+ Edi idịghe ami ke afo eketi.+ Afo ukukereke baba n̄kpọ kiet ke esịt fo.+ Nte n̄kodopke uyo nnyụn̄ ndịp mme n̄kpọ?+ Ndien afo ukukam ufeheke mi.+
12 Ami nyetịn̄ edinen ido fo+ ye mme utom fo,+ nte ke mmọ idaha ufọn isọk fi.+
13 Ke ini afo esemede oyom un̄wam, mme n̄kpọ emi akatan̄de obon idinyan̄ake fi,+ edi ofụm eyemen kpukpru mmọ efep.+ Ibifịk eyemen mmọ efep, edi enye emi adade mi ke ebiet ubọhọ esie+ ayada isọn̄ enyene oyonyụn̄ ada edisana obot mi enyene.+
14 Edi owo ọyọdọhọ ete, ‘Mbufo ẹkịbi ntan, ẹkịbi ntan! Ẹdiọn̄ usụn̄.+ Ẹmen n̄kpọ ubiọn̄ọ ekededi ẹfep ke usụn̄ ikọt mi.’”+
15 Koro ntem ke Enye emi Okon̄de onyụn̄ Emenerede ke Enyọn̄,+ emi odude ke nsinsi,+ emi enyịn̄ esie edide edisana,+ ọdọhọ ete: “Ami ndụn̄ ke edikon̄ ye edisana ebiet,+ ndụn̄ n̄ko ye owo emi ẹnuakde onyụn̄ ofụhọde,+ man ndemede spirit mme usụhọde owo nnyụn̄ ndemede esịt mbon oro ẹnuakde.+
16 Koro ami nditọhọke ke nsinsi, ndinyụn̄ nyatke esịt ke nsinsi;+ koro spirit owo oyokop mmemidem ke ntak mi,+ idem mme edibotn̄kpọ oro ẹduọkde ibifịk emi ami nnamde.+
17 “Ami n̄kayat esịt ke ntak idiọk udori esie+ oro mîfọnke, ndien ami mmia enye, nnyụn̄ ndịp iso mi+ ke adan̄aemi n̄kayatde esịt. Edi enye asan̄a nte owo nsọn̄ibuot+ ke usụn̄ esịt esie.
18 Mmokụt mme usụn̄ esie; ndien ami ntọn̄ọ ndinam udọn̄ọ okụre enye+ nnyụn̄ nda enye usụn̄+ nnyụn̄ nda ndọn̄esịt nte usiene nnọ enye+ ye ikọt esie emi ẹfụhọde.”+
19 “Ami mmobot mfri n̄kpọkinua.+ Owo emi odude oyom usụn̄ ye owo emi odude ekpere eyenyene emem oro ebịghide,”+ Jehovah ọdọhọ, “ndien ami nyanam udọn̄ọ okụre enye.”+
20 “Edi mme idiọkowo ẹbiet inyan̄ emi ofụtde, ke ini emi enye mîkemeke ndina sụn̄, emi mmọn̄ esie akade iso enyen̄e ikọn̄ inyan̄ onyụn̄ oburọde mbat.”
21 Abasi mi ọdọhọ ete: “Emem idụhe inọ mme idiọkowo.”+
Mme Ikọ Idakisọn̄
^ Heb., “Sheol.”
