Mme Hebrew 9;1-28
9 Ke akpanikọ, akpa ediomi ama esịne mme ewụhọ edisana utom+ ye edisana ebiet+ esie eke isọn̄.
2 Koro do ke ẹkebọp akpa ikpehe+ tent emi uwụk utuenikan̄+ ye okpokoro+ n̄ko ẹkedude, emi ẹkenyụn̄ ẹnịmde uyo;+ ndien ẹkot enye “Edisana Ebiet.”+
3 Edi ke edem udiana ikpehe,*+ ubet tent emi ẹkotde “Ata Edisana”+ ama odu.
4 Emi ama enyene n̄kpọ ufọp incense+ gold ye ekebe ediomi+ oro ẹkefụkde gold ẹkanade,+ emi aban̄ gold oro manna esịnede,+ ye esan̄ Aaron oro ekesehede+ ye itiatn̄wed+ ediomi ẹkedude;
5 ndien ke enyọn̄ ekebe oro mme cherub+ emi ẹnyenede ubọn̄ ẹma ẹfụk okukịp+ itie usio-isop. Edi idịghe ini edi emi nditịn̄ mban̄a mme n̄kpọ emi ke nde ke nde.
6 Ke ẹma ẹkebọp mme n̄kpọ emi ke usụn̄ emi, mme oku ẹma ẹsidụk akpa ikpehe+ tent oro kpukpru ini ndinam edisana utom;+
7 edi akwa oku kpọt ekesidụk udiana ikpehe oro ini kiet ke isua,+ idụkke ke mîsan̄ake ye iyịp,+ emi enye awade kaban̄a idemesie+ ye kaban̄a idiọkn̄kpọ oro mme owo ẹnamde ke unana ifiọk.+
8 Ntem edisana spirit owụt in̄wan̄-in̄wan̄ ete ke usụn̄+ oro ẹkesisan̄ade ẹdụk edisana ebiet ikọwọrọke ida ke adan̄aemi akpa tent okosụk odude.+
9 Tent emi edi uwụtn̄kpọ+ emi anade ọnọ ini oro ẹkenịmde, emi idude mi,+ ndien ke ndutịm emi, ẹma ẹnọ Abasi mme enọ ẹnyụn̄ ẹwa mme uwa.+ Edi mmọ emi ikemeke ndinam owo emi anamde edisana utom enyene edisana ubieresịt+ oro ọfọnde ama,+
10 edi n̄kukụre ẹnyene n̄kpọ ndinam ye udia+ ye edin̄wọn̄ n̄kpọ+ ye nsio nsio orụk baptism.+ Mme n̄kpọ emi ẹkedi se ibet oyomde ke ido obụkidem,+ ẹkenyụn̄ ẹnịm mmọ tutu ekem ini emi ẹkenịmde ndinen̄ede mme n̄kpọ.+
11 Edi, ke ini Christ ekedide nte akwa oku+ emi adade nti n̄kpọ oro ẹdude edi ke tent oro okponde onyụn̄ ọfọnde ama, emi owo mîdaha ubọk inam, oro edi, emi mîdịghe eke isọn̄,+
12 enye ikadaha iyịp+ ebot ye eke eyen enan̄ ibe idụk, edi akada iyịp esiemmọ+ ebe odụk edisana ebiet ini kiet kpọt, ọkọbọ nsinsi edinyan̄a ọnọ nnyịn.+
13 Koro edieke iyịp ebot+ ye eke nyara enan̄+ ye ntọn̄+ abak enan̄ oro ẹsịmede mbon oro idem ama ekedehe+ anamde mmọ ẹsana ke obụkidem,+
14 adan̄a didie akan oro ke iyịp+ Christ, emi ke ndausụn̄ nsinsi spirit, akawade+ idemesie oro mînyeneke ndo ọnọ Abasi, anam ubieresịt nnyịn asana+ ọbọhọ mme utom n̄kpa+ man nnyịn ikpanam edisana utom+ inọ odu-uwem Abasi?
15 Ntre ntak edi oro enye edide esịne-ufọt+ obufa ediomi, man otodo, sia owo kiet ama akakpa man ẹfak mmọ ẹsio+ ke ubiatibet oro mmọ ẹkesịnede ke idak akpa ediomi,+ mbon oro ẹkotde ẹkpebọ un̄wọn̄ọ nsinsi udeme.+
16 Koro ke ebiet emi ediomi odude,+ anam-ediomi emi edide owo enyene ndikpa.
17 Koro ediomi enyene nsọn̄ọ ke ini owo akpade, sia enye mînyeneke odudu ke adan̄aemi owo emi anamde ediomi oro osụk odude uwem.
18 Mmọdo owo ikọtọn̄ọke akpa ediomi+ ke ediduọk iyịp mîdụhe.+
19 Koro ke ini Moses ama eketịn̄ kpukpru ewụhọ ọnọ kpukpru owo,+ nte Ibet etemede, enye ama emen iyịp nditọ enan̄ ye eke ebot abuak ye mmọn̄ ye ididuot idet erọn̄ ye hyssop,+ onyụn̄ esịme ke n̄wed oro ye ke idem kpukpru owo,
20 ete: “Emi edi iyịp ediomi oro Abasi owụkde mbufo ete ẹnịm.”+
21 Ndien enye ada iyịp oro esịme+ n̄ko ke tent+ ye ke kpukpru eso oro ẹdade ẹnam utom ẹnọ mme owo.
22 Ih, ekpere ndidi ẹda iyịp+ ẹnam kpukpru n̄kpọ ẹsana nte Ibet etemede, ndien ke ediduọk iyịp mîdụhe+ edifen inyụn̄ idụhe.+
23 Ke ntre ama oyom ete ẹda mme uwa emi ẹnam mme ndamban̄a mbiet n̄kpọ+ emi ẹdude ke heaven ẹsana, edi ẹda mme uwa eke ẹfọnde ẹkan mme utọ uwa oro ẹnam mme n̄kpọ eke heaven ẹsana.+
24 Koro Christ ikodụkke edisana ebiet emi ẹdade ubọk ẹnam,+ emi edide mbiet ata idem n̄kpọ,+ edi okodụk heaven,+ man enye ke emi akpada ke iso Abasi kaban̄a nnyịn.+
25 Inyụn̄ idịghe man enye akpawa idemesie ediwak ini, nte emi akwa oku ekesidade iyịp oro mîdịghe esiemmọ odụk edisana ebiet+ ke isua ke isua.+
26 Ke ẹkpedide ntre, enye ekpenyene ndikpa ediwak ini toto ke editọn̄ọ+ ererimbot. Edi ke emi enye amayarade idemesie+ ini kiet+ kpọt ke akpatre ini editịm n̄kpọ emi+ man enye emen idiọkn̄kpọ efep ebe ke ndiwa idemesie.+
27 Ndien kpa nte ẹnịmde ẹnọ mme owo+ ndikpa ini kiet kpọt, ndien ke oro ebede ẹda ke ikpe,+
28 kpasụk ntre ẹma ẹwa Christ ini kiet kpọt+ ndibiom mme idiọkn̄kpọ ediwak owo;+ ndien ke ini enye ọbiọn̄ọrede+ ọyọhọ utịm ikaba,+ idinyeneke n̄kpọ ndinam ye idiọkn̄kpọ+ edi edinam n̄kpọ ye mbon oro ẹtiede ẹbet enye ye ọkpọsọn̄ udọn̄ kaban̄a edinyan̄a mmọ.+
Mme Ikọ Idakisọn̄
^ Emi edi ọfọn̄ ikpehe oro akabaharede edisana ye ata edisana ke tent utuakibuot.
