Psalm 118;1-29
118 Mbufo ẹkọm Jehovah, koro enye ọfọnde;+Koro ima-mfọnido esie odude ke nsinsi.+
2 Ke emi, yak Israel ẹdọhọ ẹte:“Koro ima-mfọnido esie odude ke nsinsi.”+
3 Ke emi, yak mbon ufọk Aaron ẹdọhọ ẹte:+“Koro ima-mfọnido esie odude ke nsinsi.”+
4 Ke emi, yak mbon emi ẹbakde Jehovah ẹdọhọ ẹte:+“Koro ima-mfọnido esie odude ke nsinsi.”+
5 Ndu ke nnanenyịn nseme n̄kot Jah;+Jah eyere mi onyụn̄ enịm mi ke ebiet emi atarade.+
6 Jehovah ada ye ami; ndifeheke ndịk.+Nso ke owo ekeme ndinam mi?+
7 Jehovah ada ye ami ke otu mbon oro ẹn̄wamde mi,+Ntre ami nyosụk enyịn nse mmọ eke ẹsuade mi.+
8 Ọfọn ndinyene Jehovah ke ebiet ubọhọ+Akan ndibuọt idem ye owo.+
9 Ọfọn ndinyene Jehovah ke ebiet ubọhọ+Akan ndibuọt idem ye mbọn̄.+
10 Kpukpru mme idụt ẹma ẹkan mi ẹkụk.+Ami n̄kada enyịn̄ Jehovah mbịn mmọ mfep.+
11 Mmọ ẹma ẹkan mi ẹkụk, ih, ẹma ẹkan mi ẹkụk.+Ami n̄kada enyịn̄ Jehovah mbịn mmọ mfep.
12 Mmọ ẹma ẹkan mi ẹkụk nte ọkwọk;+Ẹnịme mmọ nte ikan̄ eke asakde ke ikọt n̄kukịm.+Ami n̄kada enyịn̄ Jehovah mbịn mmọ mfep.+
13 Mmọ ẹberi mi ọkpọsọn̄ man nduọ,+Edi Jehovah an̄wam mi.+
14 Jah edi ebiet ubọhọ mi ye odudu mi,+Enye onyụn̄ akabade edi edinyan̄a mi.+
15 Uyo n̄kpo idara ye edinyan̄a+Odu ke tent+ ndinen owo.+Ubọk nnasia Jehovah owụt odudu esie.+
16 Ubọk nnasia Jehovah emenede ke enyọn̄;+Ubọk nnasia Jehovah owụt akwa odudu esie.+
17 Ami ndikpaha, edi nyodu uwem,+Man n̄kpatan̄a mme edinam Jah.+
18 Jah ama enen̄ede mi ke ọkpọsọn̄ ubọk,+Edi enye ikayakke mi inọ n̄kpa.+
19 Mbufo ẹberede inuaotop edinen ido ẹnọ mi.+Nyebe ndụk ke esịt; nyotoro Jah.+
20 Emi edi inuaotop Jehovah.+Ndinen owo ẹyebe ẹdụk ke esịt.+
21 Ami nyotoro fi, koro afo ekeyerede mi+Ama onyụn̄ akabade edi edinyan̄a mi.+
22 Itiat emi mme ọbọpufọk ẹkesịnde+Amakabade edi etubom inụk.+
23 Emi oto Jehovah;+Enye edi utịbe ke enyịn nnyịn.+
24 Emi edi usen oro Jehovah akanamde;+Nnyịn iyadara inyụn̄ idat esịt ke enye.+
25 Mbọk, Jehovah, nyan̄a nnyịn!+Mbọk, Jehovah, nam nnyịn ikụt unen!+
26 Itoro enyene Enye emi edide ke enyịn̄ Jehovah;+Nnyịn imọdiọn̄ mbufo ke ufọk Jehovah.+
27 Jehovah edi Abasi,+Enye onyụn̄ ọnọ nnyịn un̄wana.+O mbufo ẹda mme n̄kọk eto+ ẹbana udịm isan̄ mbon usọrọ,+Tutu esịm nnụk itieuwa.+
28 Afo edi Abasi mi, ndien ami nyotoro fi;+Abasi mi—ami nyọnọ fi ubọn̄.+
29 Mbufo ẹkọm Jehovah, koro enye ọfọnde;+Koro ima-mfọnido esie odude ke nsinsi.+
