Ena ika17 ni Noveba 2023, e vakayacori e Margao mai Idia na Soqo ni Veiwasewase ni 2023 e kena ulutaga, ‘Vakaraitaka na Vosota!’ E sevutaki kina vei ira na le 413 na New World Translation of the Christian Greek Scriptures ena vosa vaKonkani, qai vakayagataki kina na matanivola vakaRoma. Ni sevutaki oti ga sa rawa ni download ena iyaya vakalivaliva. Ena qai vakarautaki malua na kena ilavelave tabaki.

E sivia na le tolu na milioni era vosataka na vosa qori ena ra ni baravi kei Idia, qai volai ena lima na duidui matanivola. E rauta ni le 500,000 era vakayagataka na matanivola vakaRoma ena yasayasa o Goa, e Idia. Gauna qo, e sivia ni le 400 na dautukutuku era veiqaravi tiko ena vitu na ivavakoso vosa vaKonkani (matanivola vakaRoma). Ni bera ni sevutaki na iVolatabu qori, e dua tiko ga na vakadewa ni iVolatabu ena vosa vaKonkani (matanivola vakaRoma).

Na kena vakayagataki na vosa rawarawa ena iVolatabu qori, e rawarawa kina ni kilai na itovo nei Jiova. E kaya e dua na tacida tagane: “Na vakadewa taumada ni Joni 21:17 e kaya o Jisu ‘vakani ira noqu sipi.’ Ia na vakadewa vou qo e tukuni kina ‘vakani ira na noqu sipi lalai.’ Na vosa qori e vukei au meu vakasamataka na nodrau kauaitaki keda vakayalololoma o Jiova kei Jisu.”

Eda vakavinavinakataki Jiova ena iVolatabu vou qo. Eda nuidei ni levu era na mai vulica nona itovo talei, mera nona itokani tale ga.—Same 25:14.