FEPERUERI 22, 2023
NIGERIA
Sevutaki na New World Translation of the Christian Greek Scriptures
Ena ika12 ni Feperueri 2023, e sevutaka o Brother Jeffrey Winder, e lewe ni iLawalawa Dauvakatulewa, na New World Translation of the Christian Greek Scriptures ena vosa vakaPidgin (Ra kei Aferika) kei na vosa vakaUrhobo. E katoni na kena porokaramu ra qai vakarorogo kina e rauta ni le 559,326. Oti ga na kena sevutaki sa rawa ni download sara ena iyaya vakalivaliva. Ena qai vakarautaki malua na kena ilavelave tabaki.
Ena 2015, e tauyavu kina na imatai ni ivavakoso vosa vakaPidgin (Ra kei Aferika). Gauna qo, sa sivia e 1,100 na ivavakoso qori e Nigeria. E levu tale ga na ivavakoso vosa vakaPidgin (Ra kei Aferika) sa tiko ena so tale na vanua, me vakai Igiladi kei Merika. I liu era dau vakayagataka na tacida vosa vakaPidgin na New World Translation of the Holy Scriptures ena vosa vakavalagi. E kaya e dua na tacida tagane: “E dredre sara ga ni keimami vunau ena vosa vakaPidgin qai wilika na iVolatabu vakavalagi. Eso na gauna era na sega ni kila na itaukeinivale na ka keimami wilika tiko. Ia qo keimami sa vunau ena vosa vakaPidgin qai wilika na kena iVolatabu. Ena matata sara qo vei ira na itaukeinivale ni keimami sa wilika vei ira na iVolatabu ena nodra vosa.”
Qo na imatai ni ivola me vakadewataki ena vosa vakaUrhobo, Living in Hope of a Righteous New World
Ena 1933 e tauyavu na imatai ni ivavakoso vosa vakaUrhobo. Ena 1968, era vakadewataka na tacida na imatai ni ivola Living in Hope of a Righteous New World ena vosa vakaUrhobo. Tekivu mai na gauna qori, e tubu ina 103 na ivavakoso. Ena yaga sara vakalevu vei ira na tacida na kena matata qai kilai rawarawa na iVolatabu e sevutaki qo.
Meda masulaka ni na vukei ira e levu tale na vakadewa qo mera “vakasinaiti ena kilaka dodonu” me baleta na Kalou.—Kolosa 1:9.
Rawa ni o Wilika Tale ga
TARO E TAROGI WASOMA
E Tiko Nomuni iVolatabu na iVakadinadina i Jiova?
E rawa ni o vakavinakataka na ivakarau ni nomu vuli ni o vakayagataka e levu na vakadewa ni iVolatabu. Qo e tolu na tikina mo kila tiko me baleta na iVolatabu na Vakadewa ni Vuravura Vou.
E VAKAYAGATAKI VAKACAVA NA NODA CAU?
Tabaki na iVola Mareqeti Duadua
Levu na ka e okati ena kena vakadewataki, tabaki, qai dabani na New World Translation.
TARO E TAROGI WASOMA
Era Vakabauta na iVakadinadina i Jiova na Veiyalayalati Makawa?
Sa sega ni yaga eso na ivola ena iVolatabu? Raica na sala e yaga kina vei ira na lotu vaKarisito na ivakavuvuli eso ena iVolatabu vakaIperiu.