Cava Meu Cakava Meu Dua Kina na iVakadinadina i Jiova?
E vakamacalataka o Jisu ena Maciu 28:19, 20 na kalawa me cakava e dua, me dua kina na iVakadinadina i Jiova, me nona tisaipeli tale ga. Ena vinakati vua me tukuna se vunautaka na veika baleti Jiova.
Kena iMatai: Vulica na ka e tukuna na iVolatabu. E vakaroti ira nona imuri o Jisu mera “vakavulici ira . . . , mera tisaipeli.” (Maciu 28:19, 20) Na vosa “tisaipeli” e kena ibalebale “o koya e vakavulici.” Na iVolatabu e tukuna kina na veika e vakavulica o Jisu, era tu kina na itukutuku me baleta na sala ena marautaki qai vakainaki kina na bula. (2 Timoci 3:16, 17) Keimami na marautaka me keimami vakavulici kemuni wale ena iVolatabu.—Maciu 10:7, 8; 1 Cesalonaika 2:13.
Kena iKarua: Bulataka na ka o vulica. E kaya o Jisu ni dodonu vei ira na na vulica na iVolatabu mera ‘muria na ka kece e vakarota.’ (Maciu 28:20) Kena ibalebale ni nomu vulica na iVolatabu e sega ni ka me vakasamataki wale tu ga—ena vinakati kina mo veisautaka na vakarau ni nomu vakasama kei na nomu itovo. (Cakacaka 10:42; Efeso 4:22-29; Iperiu 10:24, 25) O ira era muria vinaka na ivakaro i Jisu era na vakatulewataka mera muri koya ena nodra yalataka nodra bula vua na Kalou o Jiova.—Maciu 16:24.
Kena iKatolu: Mo Papitaiso. (Maciu 28:19) Na iVolatabu e vakatauvatana na papitaiso ina nona bulu e dua. (Vakatauvatana Roma 6:2-4.) Nona bulu e dua e vakatakarakarataka nona vakamatea na ivakarau ni bula makawa qai tekivu e dua na bula vou. Na nomu papitaiso o vakaraitaka kina e matanalevu ni o sa vakayacora na rua na ikalawa e vakamacalataka o Jisu qai kerea vua na Kalou me solia vei iko na lewaeloma savasava.—Iperiu 9:14; 1 Pita 3:21.
Au na kila vakacava niu sa rawa ni papitaiso?
Veitalanoa kei ratou na qase ni ivavakoso. Eratou na via vakadeitaka ni o kila na veika e okati kina, ni o sa muria tiko na veika o vulica qai yalataki iko vua na Kalou mai vu ni lomamu.—Cakacaka 20:28; 1 Pita 5:1-3.
E caka tale ga qo vei ira na gone erau iVakadinadina i Jiova na itubutubu?
Io. Era tuberi na luvei keimami “ena ivakavuvuli kei na ivakasala i Jiova” me vaka ga e vakarota na iVolatabu. (Efeso 6:4) Ia ena vinakati vei ira mera vakatulewataka nodra vulica kei na nodra ciqoma na ivakavuvuli vakaivolatabu ra qai bulataka sara, me rawa nira qai rawata na ivakatagedegede ni papitaiso. (Roma 12:2) O koya gona, na tamata yadua ena vakatulewataka ga na veika me baleta nona sokalou.—Roma 14:12; Kalatia 6:5.
Rawa ni o Wilika Tale ga
BALETI KEIMAMI
Na Cava e Caka ena Vuli iVolatabu?
Ena veiyasa i vuravura, era kilai na iVakadinadina i Jiova nira veivakavulici wale ena iVolatabu. Raica na kena icakacaka.
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
SAUMI NA TARO VAKAIVOLATABU
E Bibi Meda Lewena e Dua na Lotu?
E rawa ni dua e qarava ga na Kalou ena sala e vinakata?
IVAKAVUVULI VAKAIVOLATABU
Tovolea na Vuli Qo
Na vuli iVolatabu qo ena sega ni saumi qai tiko e dua mo drau na veivosakitaka na iVolatabu.